Adrak Ki Chai Banane Ka Tarika Ginger Tea Recipe in Urdu
Health Tips

Adrak Ki Chai Banane Ka Tarika – Ginger Tea Recipe in Urdu

Adrak se bani chaye na sirf mukhtalif amraaz ke khatmay mein madad deti hai balkay ye Vitamin C se bharpoor honay ki wajah se sahet ke liye bhi intahi mufeed hoti hai.

Is tehreer main hum bat karen gay ke kdrak ki Chai banane ka tarika in Roman Urdu, Ginger Tea recipe in Urdu, adrak wali chai ke benefits in urdu.

Adrak ki chai (Ginger Tea) ke fawaid

Adrak ki chai ke la tadaad fawaid hain jin mein se chand ke darj zail hain.

  1. Adrak ki chai (Ginger Tea) qowat mudafat ko barhati hai jis ki wajah se insaan bimarion se mehfooz rehta hai. Adrak ki chai ke istemaal se na sirf jism ko aasoudgi millti hai balkay insani dimagh ko sakht tension mein sukoon milta hai.
  2. Adrak ki chai se maiday ki jalan, pait mein dard aur saans ki bemari se nijaat millti hai.
  3. Adrak ki chai ulti aur qay se nijaat dilaati hai. Agar aap ko safar ke douran ulti hoti hai to safar se pehlay adrak ki chai pi len, aap ko qay, matli aur ulti ki shikayat na ho gi. Is ke ilawa agar aap ko ulti ki shikayat ho to din mein do se teen baar is chaye ke istemaal se ulti bilkul ruk jati hai.
  4. Bachon mein ulti rokani ho to is ke liye bhi adrak ki chay ka istimal bohat mofeed hai, is ke elava ye pait ke keeron ko marane mein bhi akseer hai. Is chaye se pait main dard aur qay se nijat milti hai.
  5. Adrak ki chai peenay se insaan ke pathay mazboot hotay hain. Aur ye joron ki soojan ko bhi khatam kar deti hai.
  6. Adrak se bani chaye nizam e hazma aur ghiza ko jazab karne ki salhiyat ko barhati hai, aur bilkhsoos bohat ziyada khan eke bad is chaye ko peene se pait mein gas ke bais paida hone wale ubhar ya sozish ko khatam karti hai.
  7. Khawateen ko kuch makhsoos ayyaam mein kaafi dushwari ka saamna karna parta hai lehaza agar wo aik cup adrak wali chaye mein shehad mila kar pyin to inhen kaafi sukoon miley ga.
  8. Adrak ki chai bohat garam hoti hai aur is chaye ka istemaal sardiyoon mein sardi se nijaat ke liye bhi kya jata hai.
  9. Adrak ki chai vitamin aur madiniyat doraan e khoon ko behtar bana kar dil ki bemariyon ke khataray ko kam kar deta hia, jab ke ye chaye antoon mein paida hone wali chaknai ko bannay se rokti hai jis se dil ke doray se mehfooz raha ja sakta hai.
  10. Ye chaye Migreen (Dard Shaqeeqa ) mein aaraam dainay ke sath sath zehni sukoon ka sabab bhi banti hai.
  11. Jisam mein zehreelay koday ke rokne se jisam meain soajan paida ho jati hail akin agar aap adrak ki chai ka istimal shuru kar dain to is se nijat mil jaye gi, is tarah aap joroon ke dard se mehfooz raheen gay jab kea p ke pathay bhi mazboot ho jayen gay.
  12. Adrak main aik chemical paya jata hai jo adarak ko tursh zaiqa deta hai, ye chemical moun mein ja kar sans aur mou ki badboo ka khatma karta hai.
  13. Baaz log thanday ya neem garam pani se nahanay ke baad jism mein kapkapi ya dard mehsoos karte hain. Agar wo nahanay ke baad adrak ki chai pi len to inhen is sardi se nijaat mil jaye gi.
  14. Adrak ki chai main aise ajza paye jata hain jin se jisam ko asodgi milti hai aur insan zehni tano se bach jata hai.
  15. Aisay afraad jin ko bhook bohat kam lagti hai ya bilkul nahi lagti, un ke liye bhi adrak ke chaye kisi nemat se kam nahi.
  16. Khanay ke baad adrak ki chai istemaal karne se haazma theek ho jata hai. Aur khoraak jaldi hazem hoti hai.
  17. Makhsoos ayaam main khawateen ko kafi dushwari ka samana karna parta hai, lehaza agar wo aik cup adrak ke chaye main shahid mila kar peeyen to kafi sakoon mile ga. Is ke sathe adrak wale garam qahwe mian kapra geela kar ke pait ke neeche lagane se dard se bhi nijat mile gi.
  18. Adrak bukhar aur dard ko kam karti hia, bukhar mein adrak ki chai bohat faida man dhoti hai.

Adrak ki chai bananay ka tarika – Ginger Tea recipe in Urdu

Aik bartan mein 2 cup taaza pani dalain aur usay cholhe par rakh den. Jab pani ubalna shuru ho jaye to us mein adrak daal kar mazeed 10 minute tak josh dainay ke baad utaar len.

Cholhe se utaarnay ke baad chaye ko thora thanda honay den, yani jab chaye neem garam ho jaye to is mein 2 chaye ke chamach shehad aur aik chaye ka chamach lemoo ka ras mix kar den. Aap ki chaye tayyar hai.

Yaad rakhen, Adrak ki chai ki taseer bohat garam hoti hai. Is liye chaye mein adrak ki munasib miqdaar dalain. Aap chaye mein jitni ziyada adrak dalain ge, chaye ki taseer itni hi garam ho gi. Is liye ye chaye 5 saal se kam umar bachon aur mareezon ko nahi deni chahiye.

Ye bhi parhen: Adrak ke fawide, Adrak se ilaj

Note: Adrak ki chai se mutaliqa ye tehreer mehez maloomat aama ke liye shaya ki ja rahi hai. yaad rakhen har totka har insan ke liye nahi hota. iss liye apne tain koi nuskha mat azmayen, balkay apne mualij ( Doctor, Tabeeb ) se mahswara kar ke is ki hadaayat ke mutabiq amal karen, shukriya.