Depression kya hai Depression ki bemari alamat wajohat aur ilaj
Natural Treatment

Depression kya hai – Depression ki alamat wajohat aur desi ilaj

Depression aik aisa khatarnaak marz hai. Jo na sirf aap ki jismani o nafsiati sehat ko mutasir karta hai balkay ye aap ke sonay jaagne, khanay peenay hata-ke sochnay tak par assar andaaz hota hai.

Aaj ke zamane mein ye marz is qader aam ho chuka hai ke shayad hi duniya ka koi shakhs is se mehfooz bacha ho. Mardon ke muqablay mein khawateen is marz mein ziyada mubtala hoti hain.

Muashray ke barhatay hue masail, kam aamdani aur zayed akhrajaat, gharelo pareshaaniya aur malik ke bigartai hue halaat ne insaan ko Depression ka shikaar bana diya hai. Har roz hamein kisi na kisi aisi soorat e haal se guzarna parta hai jis se hum mazeed uljhano, zehni aur jismani bimarion mein mubtala hotay chalay ja rahay hain.
Ye tehreer parh kar aap jaan jayen gay ke Depression kya hai. Depression ki alamat wajohat aur ilaj in urdu, Depression treatment in Urdu Hindi and Islam, Depression aur tension ka desi ilaj in Urdu

Depression ki alamaat (signs of Depression in Urdu)

Depression ki be shumaar alamaat hain. Taham mahireen ke mutabiq agar up apni aadat o mizaaj mein ye tabdeelian dekhen to jaan len ke aap bhi is marz mein mubtala hain.

1. Mayoosi aur na-umeedi

Depression ki alamaat mein se barri alamat mayoosi aur na umeedi hai. Is marz mein mubtala afraad kabhi bhi koi kaam paya takmeel tak nahi pouncha satke. Kyunkay aisay afraad musbat soch ke bajaye vahm aur waswason par yaqeen karte hue foran mayoos aur na umeed ho jatay hain.

Aur yahi mayoosi aur na umeedi inhen khudkushi jaisa sangeen iqdaam uthany par majboor kar deti hai.

2. Chirchira pan, hichkichahat

Depression ka assar sab se ziyada insaan ki tabiyat par parta hai. Is marz ki wajah se insaan ki tabiyat mein chirchira pan ajata hai. Jis ki wajah se bandah baat baat par gussa karne lagta hai. Choti mouti aur mamooli baton par doosron ke sath larai jhagra shuru kar deta hai.

Aur kabhi kabhar to tabiyat mein tazabzub aur hichkichahat ka ansar is qader haawi ho jata hai ke bandah na to kisi ke samnay kuch kar sakta hai aur na hi kuch keh sakta hai.

3. Neend mein mein kami ya be sukooni

Agar aap raat bhar be sukoon rehtay hain aur theek se so nahi satke. Aur na hi subha uth kar khud ko taaza dam mehsoos nahi karte hain to ye bhi Depression ki taraf ishara hai.

Kyunkay tibbi mahireen ke matabiq be khwabi, neend ka khatam ho jana ya sone mein nakami waghera Depression ki alamaat hain, ye cheeze matasara afraad ke liye zehni jhnjhlaht ka baais banti hain.

4. Khorak aur wazan mein kami beshi

Depression mein mubtala afraad ke khanay peenay ki routine tabdeel hoti rehti hai. Baaz auqaat wo bohat ziyada khana khanay lagtay hain, aur baaz auqaat un ki khanay se dilchaspi khatam ho jati hai aur bhook bilkul nahi lagti.

Is ki wajah ye hai ke Depression in harmons par bhi asar andaaz hota hai jo ke khoraak ki khwahish ko control karte hain, is ke nateejay mein log ya to bohat ziyada kha lete hain ya bilkul bhi nahi khatay. Jis ke wajah se jasmani wazan mein izafah ya kami honay lagti hai.

5. Kaam mein adam dilchaspi

Agar aap ko rooz-marah ke kaam mein tawajah markooz karne mein dushwari paish aa rahi hai, ya aap ka dil kaam mein nahi lag raha, avraap apne kaam ke douran be shumaar ghalatiyan kar rahay hain to ye bhi Depression ki aik alamat hai.

Is marz mein mubtala afraad ki na sirf apne mutaliqa kaam mein dilchaspi khatam hoti hai. Balkay baqi masharti sar garmion mein bhi un ka dil nahi lagta.

6. Qowat faisla ka fuqdaan

Depression ka shikaar afraad mein qowat faisla bohat kam ho jati hai, kyunkay aisay afraad bohat si uljhano ka shikaar hotay hain, is liye un ko chhootey chhootey faislay karne mein bhi mushkal paish aati hai.

Hatta ke baaz auqaat wo ye bhi faisla nahi kar paate ke inhen chaye penny hai ya mashroob, kapray kon se lainay hain, khana mein kya khana hai.

Azeezon rishte daaron mein se kis ko waqt dena hai aur kis ko trkha dena hai. Hatta ke aisay afraad agar Doctor ke paas chalay jayen to usay apni takleef ke baray mein bhi nahi bta satke.

7. Zindagi se be-zargi

Is marz mein mubtala afraad apni zindagi se bezaar nazar atay hain. Inhen samajh nahi aa rahi hoti ke un ki zindagi ka maqsad kya hai. Aur wo kis liye zindah hain. Baaz auqaat baghair kisi wajah ke Depression shuru ho jata hai aur barray barray kamyaab log jin ki zindagi har lehaaz se qabil rashk hoti hai inhen bhi zindah rehne ka dil nahi karta. Un ke labon par bas yahi sawal hotay hain,

  • Kya karoon yaar, aaj kal kisi kaam mein dil nahi lagta.
  • Kuch bhi acha nahi lagta.
  • Kuch karne ka dil nahi karta.
  • Zindagi ruk si gayi hai. Waghera waghera

8. Billa wajah jismani dard

Kamar mein dard, pathon mein takleef ya jism mein kisi bhi jagah bila waja dard Depression ki alamat samjhi jati hai, tibbi mahireen ke mutabiq dard mizaaj ke mutabiq jism par hamla aawar hota hai, agar aap zehni tor par mayoos ya pareshan hain to takleef ka ehsas ziyada hota hai jabkay khushi ki haalat mein dard ka ehsas nahi hota.

Depression na sirf sar dar ka baais bantaa hai balkay is ke mareezon mein adhay sar ke dard ki shikayat aam hoti hai. Ilawa azeen har waqt thakawat aur tawanai ki kami ka ehsas bhi Depression ki alamaat mein se hai.

9. Jald aur maiday ke masail

Depression ke baais ban’nay walay harmons jald ko bohat nuqsaan pohanchate hain, Depression ke douran un harmons ki miqdaar bohat ziyada barh jati hai jis ke nateejay mein aksar mareezon ko keel mahason, chanbal aur kharish waghera ka saamna hota hai.

Is ke ilawa seenay mein jalan, qabz, haiza aur qay waghera bhi Depression se jurey hue ho saktay hain, khaas tor par ye amraaz un logon ke liye ziyada badter ho jatay hain jo zehni be cheeni ya tashweesh ka shikaar hotay hain.

Agar aap Qabz mein mubtila hain to aap humari tehreer Qabz ki alamat wajohat aur desi ilaj bhi parh sakte hain.

10. Khudkushi ka khayaal

Depression ziyada ho jaye to is ka nateeja khudkushi ki soorat mein nikalta hai. Khud kashi karne walay har paanch afraad mein se chaar afraad ibtidayi tor par sangeen Depression se dochar hotay hain.

Is liye ye kehna ghalat na ho ga ke aisay afraad jo khudkushi karne ke baray mein sochte hain. Haqeeqat mein wo Depression ka shikaar hotay hain.

Note: Agar darj baala 10 alamaat mein se 4 se zayed alamaat aap mein bhi payi jati hain to is ka matlab hai ke aap bhi Depression ke marz ka shikaar hain.

Depression ki wajohaat

  • Mohabbat ya kisi maqsad mein nakami, gharelo larai jhagray aur be rozgari jaisay masyal insaan ko Depression ki taraf le jatay hain.
  • Bohat ziyada zehni dabao ya jismani thakan mein jab insaan bilkul tanha ho to aisi soorat mein Depression ka khadsha barh jata hai.
  • Baaz afraad intehai hassas hotay hain, is liye choti choti baton ko khud par haavi kar lete hain. Aur apna dheyaan batanay ki koshish nahi karte balkay aik hi baat ko bar bar sochte chalay jatay hain, Jis ki wajah se un ki tension barhti hi chali jati hai.
  • Ziyada tar log apne dil ki baatein dil mein rakhtay hain, aur dil hi dil mein karhtay rehtay hain. Jis ki wajah se un ki sochen mazeed ulajh kar un ko Depression ka mareez bana deti hain.
  • Kisi qareebi aziz ke intqaal, kisi apne ki talaq ya be rozgari ki soorat mein kuch arsa udaas rehna fitri amal hai magar baaz afraad is udasi se bahar nikal nahi paate jis ki wajah se wo Depression ka shikaar ho jatay hain.
  • Mobile phone ka had se zayed istemaal Depression ko barha deta hai. Ilawa azeen internet ka ziyada istemaal bhi Depression ki aik ahem wajah hai.

Depression ka desi ilaj – Depression treatment in Urdu

Kehte hain ke ahthyat ilaj se behtar hai. Aaj Roman Urdu mein hum aap ko bitayen ge ke kaisay aap maahir nafsiat ke paas jaye baghair ghar par hi Depression ka ilaj kar satke hain.

1. Mraqbe ke zariye ilaj

Muraqba zehni yaksoi haasil karne ki aik mashq ka naam hai, muraqba ke zareya zehni inteshaar se nijaat millti hai zehen ko sukoon milta hai aur zehni yaksoi haasil hoti hai. Is ke ilawa muraqba karne walay afraad gehri aur pursukoon neend sotay hain.

Muraqba karne se zehni sukoon, yadasht ki behtari, khud aitmadi, azm o mustaqil mizaji ki sifaat, sabr, qawat e bardasht, tajzia karne aur nateeja akhaz karne ki salahiyat mein izafah hota hai. Aur ehsas kamtaree, udasi, tension, Depression jaisay amraaz se nijaat mil jati hai.

2. Khushi aur muskurahat

Khushi aur Muskurahat se na sirf aap ki sehat achi hoti hai. Balkay Depression mein bhi kami waqay hoti hai. Jab aap Depression ka shikaar hon to koi mazahiy film dekhen ya mazahiy kitaab parheen.

Aisay doston se milein jin ka hiss mazah acha ho. Hansnay se dimagh ke muzir kimiklz mein kami waqay hoti hai aur aap fori tor par behtar mehsoos karte hain.

Hansnay aur muskurany se na sirf tension, mayoosi, udasi balkay dukh aur takleef mein bhi kami waqay hoti hai. Is ke ilawa koshish karen ke zindagi mein jo bura hawa hai is ko bhool jayen. Aur achi yaado ko hamesha yaad kar zindagi ko mazeed khushgawar banayen.

3. Jism ko harkat mein rakhnay walay awamil

Bhagnay, dornay aur seedhiyan charhne se saans ki aamad o raft taiz hoti hai. aur jisam ziyada oxygen jazb karta hai. Ziyada oxygen jazb karne se jismani aaza fa-aal hotay hain. Jis ke nateejay mein jism mein muzir asraat rakhnay walay hormone kam peda hotay hain. Aur

In Chemical ki miqdaar mein izafah hota hai jo dimagh ko khushi ka signal dete hain. Is se Depression mein kaafi had tak kami waqay hoti hai.

Ilawa azeen mukhtalif qisam ki khelon ( Cricket, Football, Hockey, Wally ball, Tennis, Teraaki waghera ) mein khud ko mashgool rakhnay se na sirf dimagh fresh hota hai balkay jism ki bhi sar se paon tak harkat ki wajah se khoon ki gardish mein izafah hota hai. Jo zehni dabao kam karne ka behtareen zareya hai.

4. Sar ki maalish, Chehre ka massage

Sar ki maalish chehray, palkon , aur aankhon ka halka sa massage karna bhi zehni dabao kam karne ka sabab bantaa hai. Ye amal doran khoon taiz karne ka sabab bantaa hai.

Douran khoon taiz hoga to dimagh khud bakhud taaza dam hoga aur is par chhayahwa tanaao kam ho jaye ga. Aik masroof aur tanao bhara din guzaarne ke baad das se pandrah minute ka ye amal aap ke dimagh ko sukoon faraham kardey ga.

5. Sabar o Shukar

Sabir o Shakir shakhs ko zindagi mein kabhi bhi koi pareshani nahi hoti. Depression ki wajohaat hamari khud ki pali hui tension aur pareshaaniya hoti hain. Is liye agar aap Depression ki bemari ka shikaar hain to aap ko chahiye ke apne se kam hesiyat ke logon ko dekhen aur un se apni zindagi ka mawazna kar ke Allah pak ka shukar ada karen.

Jitna mila hai is par sabr o shukar karen aur apni chadar dekh kar paon philayin. Zindagi ki mehroomion par ghhor karne se zehni dabao aur na khushi mein izafah hota hai. Jabkay shukar guzari ki aadat dimagh ko mutmaen aur khush karti hai.

6. Doston, rishte daaron se mil jol

Depression ka hamla is shakhs par shiddat ke sath hota hai jo akela aur tanha zindagi busr karta hai. Kyunkay kaha jata hai ke akela dimagh shetan ka ghar hota hai. Jis mein terha terha ke vahm aur was wasay peda hotay rehtay hain.

Tanha rehne se insaan mein ehsas kamtaree peda ho jati hai. Aur insaan samjhta hai ke meri is muashray, khandan, rishton aur doston mein koi waqat nahi hai. Yahi sochen Depression ki raah hamwar karti hain.

Depression se nijaat ke liye zaroori hai ke apne milnay julne walon se achay aur mukhlisana taluqaat rakhen. Ziyada se ziyada dost banayen aur dostiyaan parwan charhayen, rishton ki pehchan karen aur ghar aur khandan mein apne faraiz o haqooq ko samajte hue inhen poora karne ki koshish karen.

Kyunkay tibbi mahireen ne baqaida reserch se saabit kya hai ke qareebi rishton jaisay walidain, behan bhai, shareek hayaat ya doston ke gilaay lagna Depression mein kami ka sabab bantaa hai.

7. Samaji sargarmia

Samaji sar garmion mein hissa len is se na sirf aap doosron ke kaam ayen ge balkay aap ki jismani aur zehni sehat bhi achi hogi. Kyunkay logon se doori aur be nayazi Depression ka aik sabab hai lehaza doosron ke kaam anay aur un se taluqaat badhaane se aap is marz par qaboo paskte hain.

8. Depression ko kam karne walay deegar awamil

  • Mausam ki munasbat se sard ya garam pani se ghusal karna bhi zehni tanao ko kam karne ka baais bantaa hai aur dimaghi asaab ko pursukoon rakhta hai.
  • Aksar auqaat agar aap ko aap ki pasand ka behtareen khana mil jaye to is se bhi aap ke mood par khushgawar asraat muratab hotay hain.
  • Kaha jata hai ke rangon aur musawari ka talluq dimagh ke khushgawar asraat se hota hai. Is liye agar aap ke paas waqt hai to masawari karen, ye yaqeenan aap ke mood par khushgawar asraat muratab kere ga.Pasandeeda phoolon ki khashboo aur perfumes ki khushbu songhna dimagh par khushgawar asraat muratab karta hai.
  • Shehad miley doodh ke sath saib khana har terha ke Depression mein mufeed hai.
  • Roshni chahay fitri ho ya masnoi hamari nafsiati haalat par acha assar daalti hai so ghar mein roshni ka behtar intizam karen.
  • Jokam mushkil aur paicheeda hon unhein chhootey chhootey hisson mein baant len is terha wo kaam aasaan ho jaien ge aur aap ko tension bhi nahi ho gi.
  • Nafrat, ghusse, pashemani aur hasad ke jazbaat ko dil se nikaal den. Mohabbat, khushi aur pyar ke jazbaat dil mein basa lain, is se aap ka dil raazi hoga aur aap khush vkhrm rahen ge. Neez zaroorat mandoon ki mddkrin is se bhi aap ko dili sukoon miley ga.

9. Depression se mukammal nijaat ka aasaan tareeqa

Ho sakta hai ke itna kuch karne ke bawajood bhi Depression aap ki jaan na chhorey. To kyun naan aakhir mein aap ko Depression ke marz se hamesha hamesha ke liye jaan chhuranay ka aisa secret tarika bta dun jo aap ki zindagi badal kar rakh day.

Paanch waqt khashoo o khazoo ke sath bajmaat namaz ada karen, aap ki zindagi se Depression to kya har qisam ki tension, pareshani, udasi, na umeedi aisay nikaal di jaye gi. Jaisay jannat se shetan ko nikala gaya tha.

Note: Is tehreer se mutaliqa agar koi cheez aap ki samajh mein nahi aayi hai ya aap mazeed maloomat haasil karna chahtay hain to aap hamein comments kar satke hain. Aur agar aap ko ye tehreer achi lagi hai. To usay social media par zaroor share karen. Taakay aap ke dost ahbaab ki bhi behtar tor par rahnumaiye ho sakay.