Dosti kya hoti hai
Relationship

Dosti kya hai, Sache aur Mukhlis Dost kaise banaye

Dosti ki tareef – Dosti ka matlab

Dosti aik Khobsorat aur Anmol rishta hai. Jis ne apne daman mein kayinaat ke sabhi rang samete hue hain. Mohabbat, Khuloos, Aitbaar, Bharosa, Shokhi, Be-takalufi, Shararat aur Ehtram sabhi is ke rang hain.

Har rishte ka apna maqam o ehtram hota hai. Har rishta aap se allag allag haqooq ka mutaqazi hota hai. Walidain Mohabbat o ehtram chahtay hain. Behan bhai ka rishta Khuloos o Be-Takalufi ka taqaza karta hai. Miyan biwi ka rishta Mohabbat o Aetmaad par qaim hota hai.

Aulaad ka rishta Tawajah, Mohabbat aur Rahnumai chahta hai, lekin Dosti ka rishta ye wahid rishta hai jis mein har rang hai har aang hai. Mohabbat bhi hai aur Aitbaar bhi, Be-Takalufi bhi hai aur Tawajah bhi, Bharosa bhi hai aur Shararat bhi, Shokhi bhi hai aur Ehtram bhi.

Har rishte mein koi na koi acha rang hota hai. lekin Dosti mein saaray rang hotay hain. Insaan ki zindagi mein kuch anmol moti hotay hain lekin hum un motiyon se na waaqif hotay hain. Ye moti hamari weraan zindagi mein rang bhar dete hain. Zindagi mein bohat saaray log atay aur jatay hain.

Lekin kuch log aisay bhi hotay hain jo zindagi bhar rishta qaim rakhtay hain. Un se aik khaas rishta aik khaas talluq hota hai jisay Dosti kanam diya jata hai. Insaan ke liye sache doston ki zaroorat is ki doosri zaroriat aur is ke apne azeez o Iqareb se kahin barh kar hoti hai.

Insaan ko zindagi ke har aik mourr par sachay aur mukhlis dost ki zaroorat padtee hai. Kabhi kabhar to doston aur rishta daaron mein farq hi mehsoos nahi hota. Agarchay rishta daaron se khoon ka talluq hota hai lekin dost se bhi to dil ka rishta hota hai.

Kaha jata hai ke acha dost aik Nemat se kam nahi hota. Aap ke bohat se dost ho satke hain. Is ke bawajood un tamam doston mein aisay dost unglio par gannay ja satke hain jo aap ke sath mukhlis hon.

Is baat ka andaza aap sirf is waqt laga satke hain ke jab aap mushkil mein hon, aur aap ke dost aap ke kaam ayen. Yaqeen jaaniye ke aisay hi dost aap ki zindagi ka sarmaya hotay hain.

Dosti ka rishta

Dosti aik aisa rishta hai jo hum khodapni marzi se banatay aur nibhatay hain. Dosti hi aik aisa rishta hai jo insaan ki pehchan karata hai. Dosti ka rishta har gharz se pak hota hai. Hamesha bachpan ke dinon ki Dostiyaan saari Umar sath deti aur yaad rehti hain.

Aik shakhs ke dosray shakhs par bohat ziyada asraat runuma hotay hain aur insan apni mizaaj ke mutabiq hi kisi dosray insaan se Dosti karta hai. Kehte hain ke Dosti aik bank account ki manad hoti hai.

Aur usay barqarar rakhnay ki koshish is mein raqam jama karne ke mutradif hai. Jitni raqam aap jama kerwatay jayen ge. Dosti ka rishta (bank balance) itna hi barhta jaye ga. Raqam jama kiye baghair aap apne account mein se musalsal paisay nahi nikalwa satke.

Qudrat ka inaam

Dosti qudrat ka aik bohat bara inaam aur is ki khaas rehmat aur khaas Nemat hai. Dosti aik azeem jz bah hai. Dosti aik ehsas ka naam hai. Kabhi na khatam honay wala ehsas.

Ye bhi parhen: Mohabbat kya hai aur ye kyun hoti hai?

Dosti ka rishta har qisam ki milawat se pak hota hai. Dosti ka rishta seesa pilayi hui deewar se ziyada mazboot hota hai. Jis terha diwarki aik eent doosri eent ko sahara deti hai bilkul a seen terha aik dost dosray dost ko girne se bachata hai aur aur har mushkil waqt mein aik mazboot chattaan ki terha is ke sath khara hota hai.

Dosti mein infiradiat

Aksar log Dosti ke liye hum ahangi ko awleen shart qarar dete hain. Kyunkay aik jisay zehnon walay log jald ghul mil jatay hain. Ye baat kisi had tak ghalat hai. Kyunkay baaz dafaa hamari zindagi mein koi aisa shakhs aata hai jis ke jazbaat hum se yaksar mukhtalif hotay hain.

Lekin kuch waqt guzarnay ke sath sath woh hamaray qareeb hota chala jata hai. Aur aik waqt aisa aata hai ke woh hamara acha dost ban jata hai. Mukhtalif khayalat avrjzbat rakhnay walay log har muamlay mein mukhtalif soch rakhtay hain.

Yahi cheez un ke talluq ki bunyaad mein samjhota aur eesaar peda karti hai. Jo un ki Dosti ko kaafi agay tak le jata hai. Yahi wajah hai ke aisay log aik dosray ke paidaar saathi saabit hotay hain.

Dosti mein behas ki gunjaish

Agar aap kisi se baat nahi karte hain, kisi se lartay jhagarte nahi, kisi ko apne dil ka haal nahi suna satke, kisi ki aankhon mein ankhen daal kar be takalufi se baat nahi kar satke yaksi ke sath tafreeh nahi kar satke to phir aap zindah logon mein shumaar bhi nahi hotay.

Kya aap apne doston se behas ke baad un ke nataij ko manfi rukh dete hain..? Maslan aap jis siyasi leader ko pasand karte hain, aap ka dost usay na pasand karta hai aur aap hamesha usay qaail karne ki koshish karte rehtay hain.

Halaank kisi ko pasand ya na pasand karne ke is chhootey se muamlay mein Dosti mein kharabi peda karna koi aqalmandi ki baat nahi hai.

Mozuaat ki hudood

Aaj ke zamane mein achi aur sachhi Dosti ko parkhnay ka miyaar ye hai ke aap ko aik aisa dost miley ke jis ke sath aap sab kuch share kar saken. Dosti mein sab kuch share karna hi achay dost ki sab se barri nishani hai.

Lekin yaad rakhiye har qisam ka talluq jo kisi bhi bunyadon par ustuwar ho, aik baondri line par aa kar khatam ho jata hai. Usay aam zabaan mein Dosti ki hudood kehte hain. Jisay kabhi bhi paar nahi karna chaiye.

Maslan kabhi aisa hota hai ke aap apne kisi dost ki family ke baray mein kuch aisi baat kar jatay hain. Jo usay buri mehsoos hoti hai. Lekin woh aap ke samnay kuch nahi keh paata. Is tarz ke rawaiyon se aap ki Dosti mein wazeh darar par sakti hai.

Khaas tor par shadi shuda dostoo n ko is muamlay mein be had ahthyat ki zaroorat hoti hai. Kyunkay baaz halaat mein koi aik choti si ghalat baat badgumaani ka sabab ban sakti hai. Lehaza aik achay aur aqalmand dost ka farz hai ke woh aisi baton se hatta al amkan guraiz kere.

Waqt ki kami

Agar aap profshnl hain to mumkin hai ke aap apne doston ke liye munasib waqt nahi nikaal paate hon, kyunkay aap ki masrofiyat aap ko is baat ki ijazat nahi deti. Behar haal ye aaj ke aksar logon ka masla hai. Is silsilay mein sab se mushkil kaam doston se moazrat karna hota hai.

Aap bhi agar is qisam ki sorat e haal mein hain to khudaaraa aik dosray ki pareshaniyon ko samjhain, kyunkay taali aik haath se nahi bajti, aisi sorat e haal ko Dosti ka imthehaan samajh kar is mein kamyaab honay ki koshish karen. Aaj kal social media ka bukhaar sir charh kar bol raha hai.

Khaas kar nojawan nasal jab dekho, Facebook, Twitter, Youtube aur Whatsapp par lagi rehti hai. Social media par hazaron lakhoon dost hain. Har aik post par senkron, hazaron likes aur comments mil rahay hain. Lekin haqeeqi duniya mein koi inhen so rupay bhi udhaar nahi deta.

Social Media ne haqeeqi Dosti ka taqaddus pamaal kar kay rakh diya hai. Nojawanon Facebook aur Twitter par baara baara ghantay guzaar dete hain lekin dost se baat karne ke liye baara minute nahi nikaal satke.

Sache aur mukhlis doston ki pehchan

Dost bharosa mand aur wafadar hotay hain aur hamaray raaz daar bhi hotay hai. Hamaray gamoon mein shareek hotay hain aur apni khoshion mein yaad rakhtay hain. Hamesha acha mahswara dete hain, jo hamaray liye mufeed hota hai, sachay dost apne doston ke baray mein musbat raye rakhtay hain.

Dost hamesha be gharz aur be los hotay hain, Dosti mein apna faida nahi dhoondtay. Sache dost madad ko yun pahunchte hain jaisay isi mauqa ki talaash mein thay. Dost hamari ghaltion ko maaf kar deta hai aur hamein kisi ke samnay ruswa ya sharminda nahi honay dete.

Hamari udasi daur karne ke liye ajeeb o ghareeb harkatein karte hain. Taakay hamara dil behal jaye. Jab hum andar se tootay hue hotay hain aur zahiri tor par mskrarhe hotay hain twayk dost hi hota hai jo hamari kefiyat samajh laita hai. Hum chehray par chahay jitni muskurahat saja len, dost sab se pehlay pehchan laita hai.

Kyun ke dost hum se ziyada hamein jantay hain. Acha aur mukhlis dost wohi hota hai jo aa pay ko tamam tar buraiyon aur mushkil tareen halaat ke bawajood qubool karta hai.

Jo aap ki khamion ko nazar andaaz karta hai aur sahi rastay ki taraf aap ki islaah karta hai. Aik acha dost hamesha aap se pyar karta hai na ke aap ki doulat aur aap ki shohrat se.

Acha aur mukhlis dost woh hota hai ke jab aap mayoos ho jatay hain to woh aap ki hosla afzai karta hai. Aur woh aap ki andar aik naya jazba, nai soch aur naya junoon peda karta hai.

Sacha aur mukhlis dost aap ko tab bhi qubool karta hai. Jab saari duniya aap se mun mourr layte hai. Avrsb rishte naatey toar jatay hain.

Dost kaisay banayen aur Dosti kaisay nibhaaye

Dost banana aasaan lekin Dosti nibhana mushkil aur zindagi bhar Dosti qaim rakhna intehai mushkil kaam hai. Is ke bawajood qabil tareef hain woh log jo na sirf Dosti karte hain. Balkay qabil aetmaad dost ban kar dosti ka rishta tahyat qaim rakhtay hain.

Daimi Dosti ke liye wafadaari laazmi hai. Sacha dost wohi hai jis par aap ka aitbaar ho, aap ka raaz, raaz rakh sakay. Acha dost ban’nay ke liye aap ka mizaaj acha hona chahiye. Badmizaaj aur kam zarf logon ke sath koi bhi Dosti rakhna pasand nahi karta. Aur na hi log aisay logon ko pasand karte hain jo apni baton se doosron ke jazbaat majrooh karte hon.

Hum sab aik dosray se mukhtalif hotay hain. Hamari soch, jazbaat aur khayalat doosron se mukhtalif hotay hain. Aur yahi ikhtilaaf tawazun taluqaat qiyam karne mein mushkilaat peda karta hai.. Mohabbat yahi dars deti hai ke aik dosray se naraaz hue baghair kis terha ikhtilaaf kya ja sakta hai.

Taweel faaslay par rehne walon ke darmiyan Dosti barqarar rakhnay ke liye aap ko chahiye ke baqaidagi se phone, internet ya khat ke zariye un se raabtey mein rahen.

Aik mahir-e-nafsiyat ka kehna hai ke hansi zindagi ki moseeqi hai. Aur hansi achay doston ko aik dosray ke aur bhi qareeb le aati hai.

Is liye aap apne andar zarafat ke pehlu ko ujagar karen. Apne dost ko lateefay sunaein aur dost ke din ko roshan banayen. Apne doston ko bhi kabhi kabhar aap apni madad karne ka mauqa zaroor faraham karen.

Is terha doston ko is baat ka ehsas rahay ga ke aap ko un ki zaroorat hai. Jis terha aap apne dost ki madad kar ke khush hotay hain. Usay bhi mauqa den ke woh bhi aap ki madad kar ke khush ho.

Dosti har marz ki dawa

Har dard ki dawa, har dukh ka ilaj, har kamyabi ka rasta, har bemari ki sehat yabi Dosti mein hai. Ye wo wahid hai jo har aik haasil kar sakta hai. Is anmol dawa ki qeemat sirf Mohabbat hai. Jo har koi ada kar ke khareed sakta hai. Bas ye mohabbat milawat se pak honi chahiye.

Aur ye jazba purkhuloos hona zaroori hai. Is ke husool ki sirf aik hi shart hai agar aap Dosti haasil karne ke arzoo mand hain to apni sehat ko ghusse aur nafrat se ziyada mazboot banayiyae. Aajzi aur miyana rawi ikhtiyar kijiyej.

Kyunkay thora sa jhuk jana toot jane se behtar hai. Irshad nabwi hai. Allah sab se ziyada is ko dost rakhta hai jo is ke bundon ko dost rakhta ho. Behtareen dost woh hai jo tumhari lagzishon ko faramosh kardey aur tumahray ehsanaat ko yaad rakhay.

Taluqaat qaim rakhna

Aqal mand Insan woh hai jo apne doston se taluqaat kharab honay par aapas mein peda shuda bud mazghi ko jald az jald dorkr ke naye siray se Dosti qaim karna jaanta ho.

Is se bhi ziyada aqal mand woh hota hai jo itna mohtaat rehta hai ke apne doston ke sath kabhi nachaki peda hi nahi honay deta. Dost hamesha aap ke har sukh dukh mein sath deta hai.

Dost hamesha buray waqt mein aik mazboot sahara hota hai aur hamesha sath ditahe. Aksar oqat kuch munafiq log dost honay ka drama karte hain. Aisay dost dushman ke muqablay mein ziyada khatarnaak hain.

Dosti mein ahtiyatain

Dosti ke is la zawaal rishte mein kuch baton ka khayaal rakhna bohat zaroori hota hai. Paisa Dosti ka sab se bara dushman hai. Paison mein ajeeb si aik kashish hoti hai. Jo insaan ko apni taraf khinchti hai.

Jab dost ko paisay bator qarza diye hon ya karz ki wapsi ka maamla ho to wahan Dosti mutasir honay ka khatrah hota hai. Is liye is maamla mein ahthyat zaroori hai. Dosti kharab karne wali cheezon mein se doosri barri cheez tanqeed hai.

Jab 1 shakhs apne dost par bila waja baat baat par tanqeed ya tanz karne ki koshish karta hai, to un ki Dosti mutasir hosakti hai. Kyunkay aksar dost tanqeed ka bura maan jatay hain.

Jo log apne ird gird ke logon se aksar jhagra fasaad karte rehtay hain ya bulaa wajah tanz ya tanqeed karte rehtay hain, un ke dost bhi kam hi hotay hain.

Jo shkhs chahta hai ke is ke doston ki tadaad bhi ziyada ho aur woh wafadar bhi hon to usay chahiye ke woh doston se ghair zaroori behas mbahson mein ulajhney se guraiz kere.

Dosti dimagh se nahi balkay dil se ki jati hai. Jo log ye samajte hain ke Dosti ko dikhavay aur dhokay se qaim kya ja sakta hai, woh apni zindagi mein hamesha dhoka hi khatay hain. Is qisam ke log agar khoshamad aur chaploosi se paanch das saada looh dost bana bhi len.

To is baat ki koi guarantee nahi ke woh apni Dosti ko ziyada arsa tak qaim rakh saken ge.

Dosti insaan ka behtareen asasa hoti hai jo usay kisi bhi kisi bhi haal mein nahi kho ni chahiye. Insaan ko hamesha apne doston ko yaad rakhna chahiye un ko kabhi faramosh nahi karna chahiye.

Aksar auqaat insaan apne doston ko bhool jata hai. Aur aisa tab hi hota hai jab insaan kamyabi ki Manazil ko tay kar laita hai aur apne tamam doston ko bohat neech samajhney lagta hai aur in se talluq rakhna baais sharam samjhta hai. Ye baat Dosti ke usoolon ke khilaaf hai.

Insaan ko hamesha apne doston ko har dil Aziz rakhna chahiye. Dosti ka haq hi tab ada hota hai jab insaan arsh par pahonch kar apne dost ko kabhi faramosh na kere.

Dosti ke rishte ko masharti, ikhlaqi aur mazhabi hudood mein rakhiye thisishypenhere aur is rishte ko be etdaali aur zayad-ti ke pehlu se bachaya jaye thisishypenhere tab hi is ki khoubsurti ko chaar chaand lagtay hain.

Aaj kal ki masroof tareen zindagi mein hum is qader ulajh kar reh gaye hain ke hum apne doston ko zara bhi waqt nahi day paate avrhm log apne doston se aksar ye shikwah shikayat karte hain ke woh hum se daur ho gaya hai aur hamein waqt nahi day paata.

Dosti mein nakami ki asal wajah ye bhi hai ke hum apne doston ke sath mukhlis nahi hain. Agar hamara dost hamein koi kaam ke day to hum koi bahana bana kar usay taall dete hain aur hum un se ye umeed karte hain ke hamara dost har kaam har msbit mein sath day.

Jab hum kisi ki zaroorat ko poora nahi karte is ke kaam nahi atay to phr hum ye tasawwur kaisay kar satke hain ke woh bhi hamari zaroorat ko poora krea ga.

Is tehreer mein aap ne jana ke dosti ka matlab kya hota hai aur sache dost ki pehchan kaise kare. dosti ka rishta aur maqaam kya hai. Dosti se matalaq mazeed maloomat ke liye aap hume comments bhi kar sakte hain.

Agar aap ko yeh tehreer achi lagi hai to aap ka haq banta hai ke is post ko apne doston ke sath social media par share kiya jaye, ta-kay un ki bhi behtar tor par rehnumai ho sake.