Google kya hai, Google information in Urdu Hindi
Information Technology

Google kya hai, Google information in Urdu

Google duniya mein internet ki sab se barri company aur sab se mashhoor Search Engine hai. Aaj ke zamane mein koi bhi shakhs aisa nahi jo ke google ke baare mein na jaanta ho.

Internet ki duniya mein maloomat ki rasai ka aasaan tareen zareya google hai. Aap ko koi bhi maloomat darkaar ho. Aap bas google mein search karen. Google aik second se bhi kam waqt mein maloomat ka dhair laga deta hai.

Aaj kal ke jadeed daur mein jahan computer aur internet ny be intahaa taraqqi ki hai aur be shumaar idaray google se millti jalti khidmaat paish kar rahay hain wahan ab bhi google sab se agay hai. Balkay agar yeh kaha jaye to ghalat na ho ga ke poori duniya ke idaray mil kar bhi google ka muqaabla nahi kar satke.
Google ny ye maqam apne chalanay walon ki anthak mehnat aur jazba khuloos se haasil kya hai. Har guzarte din ke sath google oopar hi oopar ja raha hai. Jis waqt google market mein aaya is waqt internet ki duniya par par Yahoo aur MSN ki ajarah daari thi lekin dekhte hi google ny sab ko peechay chor diya.

Yahan tak ke Microsoft ka banaya huwa Search Engine Bing bhi bohat peechay reh gaya.

Is tehreer main hum aap ko batain gay k Google kya hai, Goolge information in Urdu, google kis ne aur kab banaya.

Google kya hai?

Google aik American awaami idaara hai. Jis ke qiyam ka maqsad aam sarfeen ko internet par kisi bhi mauzo par darkaar mawaad ko talaash karne ke liye Search Engine muhayya karna tha. Waqt ke sath sath google ny khud ko bohat tabdeel kar liya hai.

Aaj kal yeh search engine ke ilawa aur bhi kayi mukhtalif khidmaat mohiya kar raha hai. In mein barqi pegham rasani (Gmail), Video Sharing (YouTube) Social Network (Google Plus) aur naqsha jaat (Google Maps) ke ilawa bhi 250 se zayed deegar khidmaat shaamil hain.

Isi wajah se google ko maqboliat haasil hui aur aaj yeh duniya ka sab se ziyada istemaal honay wala search engine hai.

Google ka markazi daftar, jo kay googleplex kehlata hai, Mountain View California mein waqay hai. Is ki aamdani ka sab se bara inhisaar internet ishtiharaat (internet-advertising) aur chand Computer Software ki farokht par hota hai. Iss waqt google ke kal mulazmeen ki tadaad pichyasi hazaar (85,000) ke qareeb hai. Aur is ke asasay 130 Billion Dollar ke barabar hain.

Google jisay duniya search engine ke naam se janti hai duniya ki sab se barri internet company hai aur yeh internet par sab se ziyada mashhoor website hai. Duniya ke har malik mein google ka istemaal kya jata hai.

Google ki bunyaad

January 1996 hamza mein 2 afraad Sundar Pichai (CEO) aur Ruth Porat (CFO) jo Stanford university California mein PHD ke taalib ilm they, ikathay hue aur google tahaqeeq mansoobah ki bunyaad rakhi. Is mansoobah ka sab se ahem maqsad internet par mojood mawaqay ki darjaa bandi karni thi. Unhon ny apne Search Engine ko Backrub ka naam diya aur is par apni mehnat shuru kar di.

Jald hi sarfeen google ko is ke saada banawat ( interface ) aur talaash ke behtareen nataij ki badolat pasand karne lagey. 2000 tak iss ny apne aap ko aik mustand search engine ki wajah se internet ki duniya mein mustahkam kar liya.

Google ny isi arsay mein sarfeen ke in alfaaz ko jin ki madad se wo apna matlab talaash karte they. ( search-keyword-ads ) ka naam day kar ishtiharaat haasil karna shuru kiye.

Yeh ishtiharat sarfeen ko is safhay par dikhayi dete jahan wo talaash ke nataij dekhte they in ishtiharaat ki khoobi yeh thi ke yeh sirf lafzon par mushtamil hotay they aur sarfeen ki tabiyat par bura asar nahi chortay they. Aaj bhi text ishtiharaat google ki aamdani ka aik bara zareya hain.

Alphabet ka qiyam

Google apne barhatay hue daira kar ko musalsal badhaane ke liye aik arsa se mukhtalif projects par kaam kar raha hai. In mein bohat se project munafe bakhash hain lekin kayi naye aur ahem projects ke munafe aawar ban’nay mein kayi saal hain.

Is wajah se google ny 2015 mein apni intazami taqseem mein barray pemanay par tabdeelian karte hue aik nai company Alphabet ka aaghaz kya. Ab google alphabet ka aik zaili idaara hai aur Sunder Pichai is ke sarbarah hain.

Google ki deegar Products

  • Blogger : Ye internet par blog bananay ki aik free service hai.
  • Gmail : E-mail bhejnay aur wusool karne ke liye jee mil ka istemaal kya jata hai
  • Google Adsense : Yeh google ki Advertising service hai. Is service ke zariye mukhtalif websites aur youtube par ishtiharaat laga kar log pesey kamate hain.
  • Google Adwords : Adword se aap google search engine aur mukhtalif Adsense istemaal karni wali website par apne ishtiharaat dikha satke hain.
  • Google Analytics : is website par aap apni website ya blog ki performance report dekh satke hain.
  • Google Chrome : yeh aik internet browser hai. Jo ke google ki terha mashhoor hai. Aaj ke zamane mein sab se ziyada istemaal honay wala browser hay.
  • Google Earth / Google Map: ye bohat alla service hai.
  • Google News: Yeh google ki news site hai. Jo mashhoor news websites se news generate kar ke apne sarfeen ko muhayya karti hai.
  • Google Play Store : Google play store pey stor se aap apne mobile mein software, application, music aur games waghera download kar ke istemaal kar satke hain.
  • Google photos : Yehan par aaap apni zaati aur har terha tasaweer ko save kar satke hain. Aur jab bhi zaroorat ho to dosray logon ke sath share kar satke hain.
  • YouTube: Is web par aap apni video free mein upload kar satke ho. Aur dosray logon ki video dekh satke ho. Youtube par na sirf aap video upload kar satke ho balkay apna channel bana kar pesey bhi kama satke ho.
  • Google My Activity : Yahan par aap apne browser history aur activity track kar satke ho.
  • Google Webmaster Tools : Is tool ki madad se aap apni website aur blog ko google search mein taap par laa satke ho.
  • Google Trends : is par google mein sab se ziyada search honay wali top 100 keyword aur log kya search karte hain ke baare mein information di jati hai.
  • Google Translate: Is tool ki madad se aap kisi bhi zabaan ka duniya ki kisi bhi zabaan mein tarjuma kar satke hain.
  • Google Play Music: Ye service radio station suneney aur music download aur upload karne ke liye hai.
  • Google Images: Is tool ki madad se aap kisi bhi mozoo par koi bhi tasawwur talaash kar satke ho.
  • Google Books : Yahan par aap ko bohat saari kitaaben mil jayen gi. Jahan aap online parh satke ho.

Google ki 250 se zayed products hain, agar aap google product ke bare main janana chahte hain to yahan click karen: Google Product List

Google se matalqa ye maloomat aap ko kaisi lagi, comments kar ke batiye ga. agar achi lagi to apne doston ke sath share karen, shukaria.