kamar dard ki wajoohat
Disease Symptoms

Kamar dard ki wajohat

Kamar ka dard duniya bhar ka masla hai aur lag bhag har kisi ko zindagi mein kabhi na kabhi is ka saamna hota hai.

Aam tor par yeh dard pasli se neechay shuru hota hai aur neechay tak phialta huwa mehsoos hota hai jo ke kaafi takleef day hota hai.

Kamar dard ki wajoohat

Is tehreer main hum bat karen gay ke kamar dard ka bais bananay wali aam wajohat kya hain, lekin agar aap Kamar dard ki wajohat janna nahi chahte aur kamar dard se nijat hasil karna chahte hain to aap hamari tehreer Kamar Dard ka fori desi ilaj parh sakte hain.

Aik hi position par poora din letey rehna

Taweel waqt tak aik hi position mein rehna reerh ki haddi aur kamar par dabao badhaane ka baais bantaa hai, reerh ki hadion ke muhray jismani harkat ki madad se ghizai ajza haasil karte hain aur jab aap taweel waqt tak aik hi position mein rehtay hain to kamar ke argrd ke asaab mein masail peda honay lagtay hain, to bas chalna aadat bana kar aap is maslay se aasani se bach satke hain.

Din ka ziyada waqt computer ya phone par guzaarna

Kursi ya apni nashist par kayi, kayi ghantay baithy rehna reerh ki haddi par dabao berhata hai jis ke baais achanak ya mustaqbil qareeb mein dard ka saamna ho sakta hai. Tibbi mahireen ke mutabiq kursi par baithy hue kayi kaam aisay hotay hain jo kamar dard ka baais bantay hain,

Jaisay kisi phone ko aik taraf se thamana, jis ke liye haath oopar karna parta hai ya monitor ki janib sar jhukana parta hai, jis ke nateejay mein reerh ki haddi ki position aisi ho jati hai jo qudrati nahi hoti. To jitna mumkin ho sakay chehal qadmi ke liye waqt nikalen, har ghantay mein aik baar zaroor aisa karen.

Devices ke liye sar jukaye rakhna

Kya aap ko maloom hai ke smart phone devices is se bhi sangeen marz ko taizi se phela rahi hain? Woh hai gardan ke muhroon ke masail jo smart phones ya tablet ke bohat ziyada istemaal ya ghalat tarike se istemaal ke nateejay mein lakhoon afraad ko shikaar bnarhe hain.

Tibbi mahireen ke mutabiq gardan ko agay jhuka kar rakhna in devices ki wajah se aam hota ja raha hai jis ke nateejay mein gardan ke muhroon mein dard ya numaya alamat se qabal kharabi aati hai, yeh masla agay barh kar kamar tak phail jata hai.

Aam istemaal ki ashya uthana

Tibbi mahireen ke mutabiq khawateen aur nojawanon mein is dard ki wajah un ka purse, back Bag ya brief case ho sakta hai jo kaandhon par latka huwa ho, dar haqeeqat kamar ka zaireen hissa balai jism ko support karta hai, jis mein izafi wazan (bag waghera) bhi shaamil hai aur agar bag mein bohat ziyada samaan ho to kamar par boojh barh jata hai aur aisa mamool bnaline se kamar dard ki shikayat peda ho jati hai.

Aap ke pasandeeda jootay

Jee haan makhsoos tarz ke jootay bhi kamar dard kamar dard ka baais ban satke hain, khasosan agar jootay jism ko support faraham na karte ho.

Agar aap ke jootay bohat ziyada flat ya support na karne walay hon to kamar dard ka masla la-haq hota hai kyunkay jootay jootay shaaq jazb karne ka kaam karte hain, jab woh aisa nahi karte ghutnon, kolyon ya kamar ke zaireen hissay ko yeh jismani jhatkay bardasht karna parte hain.

Douran hamal mein yeh aam hota hai

Kamar dard hamal ki teesri sah mahi ke douran bohat ziyada aam hota hai, kyunkay is waqt harmones muscles mein is takleef ka baais bantay hain ya bachay ki position bhi is ka baais ho sakti hai.

Zehni sahet bhi reerh ki haddi ke liye ahem

Depration ya zehni be cheeni bhi kamar dard ka baais ban jatay hain kyunkay aisay afraad kamar jhuka kar rakhtay hain jis ke nateejay mein reerh ki haddi par dabao barhta hai jo kamar dard ka baais bantaa hai.

Mausam bhi asar andaaz

Purani injury barish ke douran dard karne lagti hai magar mausam se anay wali mahol mein tabdeeli bhi kamar dard ka baais ban jati hai.

Tibbi mahreen ke mutabiq mausam jismani dabao mein tabdeelian lata hai aur hamara jism mutabqat peda karne ki koshish karta hai magar is ke baais hadion ke darmain khalaa peda hota hai jis se kamar ya joron mein dard ka saamna ho sakta hai.

Bistar ka masla

Raat ki achi neend majmoi sahet ke liye bohat ahem hoti hai aur agar bistar jism ko munasib support faraham nah kere to subah uth kar kamar pakarney ke liye tayyar rehna chahiye. Agar aap ko mehsoos ho ke neend ke douran bistar jism ko support faraham nahi kar raha to bistar ko badalny par ghhor karna chahiye.

Agar aap ko ye tehreer achi lagi hai to aap ka haq banta hai ke isay social media par apne doston ke sath share kya jaye.