Khud Aitmadi kya hai, khud aitmadi paide karne ke tariqe
Success

Khud Aitmadi kya hai? Khud aitmadi paida karne ke tarike

Khud Aitmadi Kya Hai? | Self Confidence in Urdu

Kamyaab zindagi aur mukammal shakhsiyat ke liye jis cheez ki insaan ko sab se ziyada zaroorat hoti hai, wo is ka aetmaad hai. Aetmaad hi kamyabi ki kunji hoti hai. agar aap ko apni kamyabi par shak hai to aap kabhi bhi kisi bhi field mein kamyaab nahi ho satke.

Wo aetmaad hi hota hai jo kamyabi ko aap ke qadmon mein laa kar nichawar karta hai. jo shakhs khud itmadi aur Khuda ki zaat par yaqeen rakhtay hue agay barhta hai. usay kamiyabiyan mil kar hi rehti hain.

Jung mein aslah nahi larta balkay usay thaamnay walay fouji ka dil larta hai. aur dil bhi nahi, balkay is ke dil mein mojood is ka aetmaad larta hai. aetmaad se mahroom shakhs ki zindagi mukammal shikast ki taraf bharti rehti hai. is ke bar-aks pur-aetmaad shakhs ki zindagi munasib raftaar se kamyabi o kaamrani ki taraf barhti rehti hai.
Tareekh (History) par agar dheyaan deen to maloom ho ga ke kisi field mein kisi fard ne agar koi kamyabi haasil ki hai to is kamyabi ka raaz is ka aetmaad ho ga. Darasal yeh taaqat to insaan ke andar mojood hoti hai, sirf is taaqat ko istemaal karne ki zaroorat hoti hai.

Jaisa aap ko aetmaad ho ga, waisi aap ki taaqat zahir ho gi. aur jaisi aap taaqat zahir karen ge. waisi kamyabi aap ke qadam chume gi. zindagi ko pur-umeed phurteela aur chust rakhiye. phir dekhye kon sa aisa kaam hai. jo aap nahi kar satke.

Ye tehreer parh kar aap jaan jayen gay ke Khud Aitmadi Kya hai, Apne andar Khud Aitmadi kaise paida karen, Kamyabi ka raaz Khud Aitmadi me hai, how to increase confidence level tips in Urdu.

Khud itmadi acha Rehnuma

Kamyabi ki Minaar par ponchanay ke liye khudaatmadi sachi Muawin (rehnuma) saabit hoti hai. Khud itmadi ke zariye se hi bzahir namumkin nazar anay walay kaam ka mumkin hona aik fitri amal hai.

Insaan ko jab apne maalik haqeeqi ki qowat aur is se apne talluq ki pehchan ho jati hai tab wo mazboot aetmaad se bharpoor faateh ban kar ubharta hai aur bairooni quwaten is ki Muawin (rehnuma) ban jati hain.

kisi bhi shakhs ki zindagi buzurgon ki choari hui jaydad ya maal o doulat se nahi ban sakti. jab tak ke wo apni khawabeeda quwaten ujagar nahi karta. irtiqa ka maqsad hai mutawatar taraqi karna.

Chunancha yeh zaroori hai ke aap ke qadam mutawatar chaltay rahen. kisi khauf, dar, mayoosi, waham, pareshani ki wajah se aap ke qadam ruknay nahi chaiyen.

Mayoosi ka khatama

Darasal baaz logon ke dil mein hi apni kamyabi ki shadeed khwahish nahi hoti, is liye wo zindagi mein nakaam hotay hain. apni quwatoon ko jama kar ke inhen apne maqsad ki takmeel mein laganay ki bajaye mayoosi ko khud se taaqatwar tasleem kar letay hain.

Aisa karte hi mayoosi un par ghalib aa jati hai. yeh log har lamhay apni nakami ka khayaal kar ke apni kamyabi par shak karte hain aur apne maqsad se khud daur ho jatay hain.

Soch ki tabdeeli

Kamyabi mein sab se barri rukawat hamari soch hoti hai. jo hamein mukhtalif qisam ke waswason aur wehamon mein mubtala kar deti hai. jaisay :

Agar mein usay pa na saka to kya ho ga…??

Kahin mein nakaam na ho jaoon…??

Wo mere baray mein kya soochey ga…??

Log kya kahin gay..??

Aisay tamam waswasay aur weham dil se bahar nikaal kar pheink den aur umeed o yaqeen ki zindagi guzarna shuru kar dein. kyunkay jab koi shakhs apni qowat o karkardagi ke kamzor pehlu daikhta hai to phir apni salahiyat ka aetmaad kho deta hai aur wo nakaam ho jata hai.

Dil ki hukoomat mein aetmaad hi sipah salaar hai. tamam quwaten is ka hukum maan kar chalti hain. aisay mein agar sipah salaar hi haar maan le ga to tamam quwatoon ne bhi hosla haar dena hai.

Kamyabi ki umeed

Agar kisi cheez ki khwahish aap ke dil mein peda hoti hai aur wo khwahish aap ke dil mein shadeed hai, aap ne usay poora karne ka mazboot iradah kar liya hai to koi wajah nahi ke aap ki khwahish poori nah ho.

Apni kamyabi ki umeed qaim rakhen. kamyabi ka khawab dekhen. is ko haasil karne ke liye khodaatmadi ke sath jad-o-jehad karen, kamyabi zaroor aap ke qadam chume gi.

Hosla, qowat aur khodaatmadi jaisay jazbaat ko dil mein parwan charhayen. mutawatar apne maqsad ke rastay par chaltay rehna khud aik kamyabi hai.

Sachi lagan

aksar insanon ka aik almiya yeh bhi hai ke wo doosron ki kamiyabiyan dekhnay mein apna sara waqt kho dete hain, hasad mein apna bohat sa khoon jala daaltay hain halaank hona yeh chaiye ke doosron ki kamyabi ki tareef karne ke baad apni poori tawajah apne maqsad ko haasil karne par lagayen.

Khudaatmadi aur sachi lagan ke sath apne maqsad mein aisay kamyaab ho kar deikhein ke dosray khud hi aap ki tareef karne par majboor ho jayen.