mardana kamzori ki alamat aur wajohaat
Disease Symptoms Men's Problems

Mardana Kamzori ki Alamat aur Wajohaat in Urdu

Mardana qowat 2 qisam ki hoti hai aik Jismani Qowat doosri Jinsi Qowat. Insani zindagi ke liye yeh dono taqatain laazmi hain.

Aik taaqat ke zariye roz marah (daily) ke kamon ko sar injaam dena hota hai aur doosri taaqat ke zariye nasal ki pedawar ka ahem tareen kaam lena hota hai, is liye in dono ki ahmiyat apni apni jagah intahi ahem hai. Insani zindagi mein dono ka sahet mand aur tawana hona zarori hai.

Hum yahan par jis taaqat ka zikar kar rahay hain woh Mardana Qowat hai. Jisay hum Jinsi Taqat bhi kehte hain. Is qowat ki azmat ka andaza to is baat se hi lag sakta hai ke is se nasal insani ki baqa hai.

Yeh qowat jitni mazboot hogi zahir hai nasal bhi itni hi ziyada taaqatwar peda hogi. Is liye is qowat ka bahaal rehna aur isay qaim rakhna itna hi ahem hai jitna ke khud insani zindagi ka wajood zurori hai.

Jinsi qowat kya hai?

Jism ke andar jinsi taaqat aik intahi zor aawar qowat ke tor par khud-bakhud peda hoti hai. Lekin is ki noshonuma is waqat hoti hai jab aadmi jawani ki manzil mein qadam rakhta he. Is manzil ko son-e-baloghat ka naam diya gaya hai.

Jab aadmi son-e-baloghat ko pohanchana hai to is ke andar be cheeni si peda honay lagti hai. Aur is ke jinsi azoo ke andar bijli si peda ho jati hai. Jis ki bina par wo tan jata hai. Yeh tanao qudrat ka aik aatiya hai kyunkay yeh tanao jinsi amal ka laazmi jazoo hai.

Yeh tanaw jitna sakht aur mazboot hoga itni hi qowat ziyada samjhi jaye gi. Kyunkay is tanao ne hi jinsi amal mein zarbain laganay ka kaam sar injaam dena hota hai aur aurat ke jinsi uzoo mein apni zarbon se halchal peda kar ke madah manawia ko andar daakhil karne ke amal ke liye tayyar karna hota hai jis se ke bacha tayyar hota hai.

Is liye yeh jinsi tanao jinsi amal ke liye itna hi zarori hai jitna ke insani zindagi ke liye saans zarori hoti hai.

Uzoo khaas mein tanao

Agar kisi mard ke jinsi uzoo mein yeh tanao paida na ho to woh na to jinsi amal sar injaam day sakta hai aur na hi aulaad peda kar sakta hai aur na hi jinsi qowat peda kar sakta hai. Jinsi amal mein mard ko apne hathyar ki taqat aur sakhati ka saboot dena hota hai.

Is liye Azu Tanasul ko na sirf jismani tor par taaqat-war hona chahiye balkay usay jinsi tor par mazboot, mota aur lamba bhi hona chahiye.

Jinsi amal ke douran aurat aur mard ke andar qudrati tor par jazbaat ka samandar mojzan hota hai. Chunkay qudrat ne aurat ka jism khobsorat naram aur gudaaz banaya hai aur is ka jinsi uzoo bhi sakat rakha hai.

Is liye fitri tor par her Aurat ke dil mein ye khawish hoti hai ke mard pur-josh ho aur jalid farig no ho, takay wo mard ke har dhakay ko apne andar tak feel kar ke sahi tor par enjoy kar sake.

Jo mard pur-josh aur intahi garam amal ko sar injaam nahi day sakta woh aurat ko khwahisaat jins par kabhi ghalib nahi aa sakta. Jab aik mard aik aurat ke fitri jinsi takazey ko poora karne mein kamyaab nahi hoga to na sirf woh mansha-e-qudrat ki takmeel karne mein nakaam rahay ga. Balkay aurat ki nazron mein bhi is ki koi wooqat nahi rahay gi.

Jis mard ke andar mardana qowat bhar poor hogi wohi zindagi ka sih lutaf utha sakta hai. Khaas tor par jinsi amal mein mard ka kardar bara hi fa-aal hota hai balkay mehnat talabb hota hai magar qudrat ne is feal (kaam) ke andar jo lazzat aur maza rakha hai is ki wosat itni laa mehdood hai ke usay lafzon mein bayan kya hi nahi ja sakta.

Jab aik sahet mand mard aur aik sahet mand aurat jinsi amal sar injaam dete hain to woh duniya aur mafiya se bay-niaz ho jatay hain aur apne aap ko aik dosray ke oopar neechay nahi balkay asmano par urrtey hue mehsoos karte hain jinsi amal ke waqt aurat aur mard ki duniya hi aur hoti hai magar yeh sirf isi mard aur aurat ke naseeb mein hoti hai jin ke jism jismani sahet aur jinsi taaqat ke khazanay rakhtay hon.

Mardana qowat ko sambhaal kar na rakhnay ke be shumaar nuqsanaat hain sab se bara nuqsaan to yeh hota hai ke usay taizi se zaya karne se sahet zawaal pazeer honay lagti hai. Jis se dil o dimagh sakht mutasir hotay hain dimaghi qowat ko sakht jhatka lagta he. Dil ki dharkan mein kami waqay ho jati hai jo dil ke kamzor ho jane ki daleel hoti hai.

Mardana qowat ko zaya karne ki wajah se nazar par bhi sakht asr parta hai. Aur jism ke tamam aaza mein bhi bohat jald kamzori ke assaar namodaar honay lagtay hain aur phir aisa waqt aa jata hai jab ke qowat yadashat sath chor deti hai.

Khwahisaat insani fitrat hain, Bhook pyaas jaisi fitri khawahishon ki tarah jinsi taskeen ki khwahish bhi aik fitri khwahish hai jo ke qudrat ki taraf se insan ko tabee tor par ataa ki gayi hai. Surah Room aayat number 21 mein Allah taala irshad farmata hai :

Tarjuma : “Aur is ki nishaniyon mein se ye bhi hai ke us ny tumhari hi jins se tumahray liye aurtain (biwiyan) peda keeen taakay tum un ke paas ja kar sukoon (aaraam) haasil kar sako aur tumahray darmain mohabbat aur rehmat peda kar di, bay-shak ghor-o-fikar karne walon ke liye is mein kayi nishaniyaan hain ”

Is taskeen, kashish o mohabbat aur khwahish ka aala maqsad aur ahem gharz baqa e nasal e insani hai. Lekin insan chunkay fitri tor par harees (lalachi) waqay huwa hai is liye wo is qowat ka waqt be waqt, jagah be jagah istemaal kar ke apne aap ko is Nemat khuda wandi se mahroom kar laita hai

Aur mukhtalif jinsi nafsiati aur khabees amraaz o aadaat ka shikaar ho jata hai jin mein masht zani, hum-jinsi, kasrat ihtalam, namardi, zeaf baah, Mardana Kamzori, jaryaan, sar-at inzaal, sozaak, aatishak aur aids sare fehrist hain.

Bohat kam nojawan aisay hain jinhein apni jawani par naz ho aur wo keh saken ke hum ny apne hathon apni jawani ko rog nahi lagaya ya phir deegar zaraye se jinsi taskeen haasil karne ki koshish nahi ki.

Aaj kal ke nojawan internet par fehash filmon o tasaveer, shehwani jazbaat bharkanay walay novel aur Europi tarz muashrat apnane ki wajah se mukammal baaligh honay se qabal hi jinsi feal ki khwahish ka shikaar ho jatay hain aur is khwahish ki takmeel ke liye ziyada tar nojawan khud lazzati yani masht zani ki aadat ko apna letay hain.

Mardana Kamzori aur Namardi mein farq

Mardana Kamzori kya hoti hai: Jinsi taskeen ki sahih soorat mard aur aurat ka milaap hota hai aur mard aur aurat ke milaap ki ikhlaqi, qanooni o sharai soorat shadi hai.

Shadi ke baad mard ko apni jinsi taskeen ki injaam dahi ke liye jo qowat darkaar hoti hai usay Qowat Baah kehte hain.

Agar Qowat bah kamzor ho jaye, uzoo makhsoos mein mukammal inteshaar aur tanao na ho aur insan jinsi amal ko poooray tor par sar-anjaam na day sakay to is haalat ko Mardana Kamzori ya Jinsi Kamzori kehte hain.

Aur agar ye qowat bilkul naaqis aur baatil ho jaye uzoo makhsoos mein koi inteshaar aur tanao na ho, jamaa ki taraf raghbat na rahay tabiyat ko jazba shehwat se nafrat ho jaye aur bawajood koshish ke jinsi feal injaam na diya ja sakay to usay Namardi kehte hain.

Mardana Kamzori mein baaz auqaat to mard ko tanao hota hi nahi, baaz afraad ko tanao hota hai magar dukhool ke waqt aik dam khatam ho jata hai. Avrkchh afraad ka tanao dukhool ke baad khatam ho jata hai. Jis ki wajah se wo mubashrat jari nahi rakh satke.

Aik mard jab tanao haasil karne mein nakaam rehta hai to is ki wajah yahi Mardana Kamzori hoti hai ye marz insan ko is qader mayoos aur na umeed kar deta hai ke uss mein zarra bhi itmaad baqi nahi rehta, wo apni kamzoree ka zikar mualij tak se nahi karta.

Jab ye marz shiddat ikhtiyar karta hai to dukhool se qabal hi inzaal ho jata hai baad azan haalat ye ho jati hai ke idhar jinsi milaap ka khayaal aaya aur idhar adhuri si shehwat ho kar foran madah toleed kharij ho gaya aur josh thanda par jata hai.

Baaz afraad ke halaat to is qader badter ho jatay hain ke mehez shehwani tasawwur ya koi khobsorat larki dekhnay ya uzoo makhsoos ke kisi mulaem kapray se chhoo janay se madah toleed kharij ho jata hai.

Mardana Kamzori ki alamaat aur wajohaat

Mardana Kamzori ki bohat si alamaat aur wajohaat hoti hain. Mardana Kamzori honay se uzoo khaas mein tanao peda nahi hota, aur wo dheela rehta hai. Jis se qowat milaap naaqis ya bilkul khatam ho jati hai.

Kabhi tabiyat aisi muntashir hoti hai ke tanao bilkul nahi hota aur kabhi milaap ki taraf bilkul raghbat nahi hoti. Lazzat kam, uzoo khaas ka dukhool mushkil aur inzaal jald ho jata hai, ya dukhool ke waqt inteshaar zael ho jata hai

Is qisam ke halaat mein mamooli ehsas ya shehwani khayalat se inteshaar ke baad inzaal ho jata hai. Insan sust, kamzor, pust himmat, aur chirr chira ho jata hai.

Chehra zard, nazar kamzor, haath paon sard, kamar aur pindliyon mein dard, nabz kamzor, bhook kam, haazma kharab aur nisyan ke awarz ho jatay hain, aankhon ke gird siyah halqay par jatay hain.

1 Masht zani

Mardana Kamzori ki sab se barri wajah mashat zani (Masturbation) hoti hai. Insan jab bachpan ki hudood se jawani mein qadam rakhta hai to is ke jismani aaza ki saakht aur nash-o-numa mein brhhotri ke sath sath jinsi khwahisaat bhi bherne lagti hain.

Agar in khwahisaat ko poora karne ke fitri tarike muyassar na hon to insan ghair fitri tareeqon se inhen poora karne ki koshish karta hai. Is tarah wo apne hi jinsi aaza se lazzat haasil karne ki koshish karta hai. Jisay musht zani, jalaq baazi, aur hand practice kehte hain.

Duniya ka koi Mulk (Country), koi khitta ya jagah aisi nahi hai ke jahan is feal (kaam) ke karne walay na paye jatay hon. Ye buri aadat zamana qadeem se hi chali aa rahi hai. Masht zani ki aadat bachpan se shuru ho kar baloghat ke sath sath parwan charhtay hue no jawan mein pukhtagi ikhtiyar kar jati hai.

Masht zani aik aisa bura feal hai ke jab bhi insan is se jaan chhuranay ki koshish karta hai to is ke andar aik ajeeb si kash makash shuru ho jati hai. Aik taraf nojawan koshish karte hain ke ye buri aadat khatam ho jaye to doosri taraf is ki kashish inhen ye aadat choarnay nahi deti.

Jab bhi is aadat se nijaat ki koshish ki jati hai to is feal mein mazeed raghbat mehsoos hoti hai. Masht zani ke baare mein mukammal maloomat haasil karne ke liye aap hamari tehreer Masht zani kya hai, masht zani ki wajohaat, nuqsanaat aur ilaj parh satke hain.

2 Nakami ka khauf

Mardana Kamzori ya namardi ki aik ahem wajah nakami ka khauf hota hai. Fard samjhta hai ke bachchan ki ghalat karyon ki wajah se wo jinsi tor par kamzor ho chuka hai aur wo mubashrat nahi kar sakta. Usay shadeed khauf hota hai ke wo pehli raat nakaam ho jaye ga.

Phir wo jaisay sochta hai waisa hi hojata hai. Sochen hamari zindagi par asr andaaz hoti hain aksar nojawanon ko hota hai ke un se mubashrat na ho gi aur wo kamyaab na hon ge chunancha wo nakaam ho jatay hain.

3 Depression ka marz

Depression aik aisi nafsiati bemari hai jis mein fard shadeed udasi, afsurdagi aur tanhai mehsoos karta hai, kuch karne ko dil nahi karta, kuch acha nahi lagta. Is marz mein aksar afraad ki jeeney ki aur jinsi khwahish khatam ho jati hai.

Jinsi khwahish ke khatmay ki wajah se insan tanao mehsoos nahi karta aur Mardana Kamzori ka shikaar ho kar namard ho jata hai.

Agar ye kaha jaye to ghalat na ho ga ke Mardana Kamzori aur namardi ki aik ahem waja Depression hai. Depression ki adwiyaat bhi Mardana Kamzori ki sabab banti hain. Depression ke baare mein mukammal maloomat haasil karne ke liye aap hamari tehreer Depression kya hai, Depression ki alamaat, wajohaat aur ilaj parh satke hain

4 Zehni Dabao

Mardana Kamzori ki aik barri wajah zehni dabao hota hai. Mukhtalif tajarbaat se saabit huwa hai zehni dabao ki wajah se jinsi hormone ki pedawar mein kami aa jati hai. Jis ki wajah se jinsi khwahish aur tanao kam ho jata hai aur wo mubashrat mein nakaam ho jata hai.

Zehni dabao ki wajah se jab aik fard aik ya do baar mubashrat mein nakaam hota hai to phir sharmindagi ki wajah se biwi ke paas nahi jata.

Jis ki wajah se na sirf ghar ka mahol kharab hota hai balkay insan mustaqil tor prnh sirf Mardana Kamzori ka shikaar hota hai balkay namardi ke marz mein bhi mubtala ho jata hai halaank jis tarah aik ya do baar khansi anay se fard ko tea bi nahi ho jati isi tarah aik do baar tanao na honay se fard namard nahi ho jata.

5 Zindagi mein boriat

Baaz auqaat mardana kamzor y aur namardi ki wajah barri dilchasp hoti hai. Baaz log aik lamba arsa aik hi tarike se jinsi khwahisaat ki takmeel karte hain. Wohi kamrah, wohi saathi aur wohi tarika waghera, jis ki wajah se wo boriat mehsoos karne lagtay hain.

Aur un ki jinsi khwahisaat mein dilchaspi kam honay lagti hai. Jis ki wajah se wo arsa arsa mubashrat nahi krpate.

Agar arsa daraaz tak jinsi amal se parhaiz kya jaye ya fard ko jinsi amal ka mauqa na miley to bhi fard ki jinsi karkardagi mein kami aa jati hai. Jo Mardana Kamzori ki wajah banti hai. Kyunkay insan apne jin aaza ko istemaal nahi karta, un ki karkardagi kam ho kar khatam ho jati hai.

6 Thakawat

Aaj ka daur mehnat aur muqablay ka daur hai. Kamyabi aur zindah rehne ke liye har fard sakht mehnat karta hai. Sakht mehnat ke baad raat ko jab wo ghar aata hai to thakawat se chor ho chuka hota hai.

Ab wo mukammal aaraam chahta hai. Is thakawat ki wajah se aksar logon ki jinsi khawish bhi khatam ho jati hai. Jinsi khwahish ki Adam mojoodgi mein tanao haasil karna mushkil ho jata hai.

Aisi soorat mein fard biwi ki khwahish par ya apni marzi se mubashrat ki koshish karta hai to wo nakaam ho jata hai. Doosri baar nakami ke khauf ki wajah se nakaam ho kar mustaqil Mardana Kamzori ka mareez ban jata hai.

Aisay afraad ko aam halaat mein tanao hota hai magar mubashrat ke waqt nahi hota ya dukhool ke waqt khatam ho jata hai. Khauf aur ghabrahat ki alamaat wajohaat aur ilaj se mutaliqa mukammal tafseel parhnay ke liye yahan Click karen.

7 Sharaab aur cigarette noshi

Sharaab shuru mein fard ko jinsi tor mushtael karti hai magar baad azan ye tanao ko manfi tor par mutasir karti hai. Hatta ke sharaab noshi fard ko namard bana kar is ki azdawaji zindagi aur khoshion ko khatam kar deti hai.

Isi tarah sigrit noshi se khoon ki naalian skrh jati hain jis ki wajah se jism ke aaza ko munasib miqdaar mein khoon nahi milta.

Khoon ki munasib miqdaar na milnay se uzoo khaas kaam karna chor deta hai jis ki wajah se insan namard ban jata hai. Ya phir Mardana Kamzori mein mubtala ho jata hai.

Mardana Kamzori aur namardi ka desi ilaj

Agar aap Mardana Kamzori ya namardi ke marz mein mubtala hain. Aur iss marz se jaan chhurana chahtay hain. To jaali hakeemon aur doctoron ki duwaein istimal karne ke bajaye qudrati ghzaon se jinsi kamzori ko daur karne ki koshish karen.

Kyunkay ghzaon ke istemaal se aahista aahista jo qowat haasil hoti hai. Wo na sirf mustaqil hoti hai balkay is mein istehkaam bhi hota hai. Aur aisi qowat ke koi manfi asraat bhi nahi hotay.

Mardana Kamzori ko daur karne ke liye sab se pehlay aap ko apni Qowat Baah mein izafah karna hota hai. Jab aap ki qowat baah mein izafah aur uzoo khaas mein tanao aa jata hai to aap ki Mardana Kamzori aur namardi khud ba-khud khatam ho jati hai. Is ke liye aap hamari tehreer Qowat bah kya hai aur Mardana Qowat baah mein izafah karne ke qudrati tarike aur Mardana Kamzori ka desi ilaj parh satke hain.

Is tehreer mein aap ne parha ke Mardana Kamzori kya hoti hai, mardana kamzori ki alamaat aur wajohaat kya hain, Mardana Kamzori ki waja hal aur solution in Urdu.

Note : Mardana Kamzori se matalqa ye tehreer mehez maloomat aama ke liye shaya ki ja rahi hai. yaad rakhen har totka har insan ke liye nahi hota. iss liye apne tain koi nuskha mat azmayen, balkay apne mualij (Doctor, Tabeeb) se mahswara kar ke is ki hadaayat ke mutabiq amal karen, shukriya.