Musht Zani ka Nuqsan aur Desi ilaj Masturbation se bachne ka tarika
Natural Treatment

Musht Zani kya hai – Musht Zani ke nuqsanat aur ilaj in Urdu

Musht Zani kya hai?

Insaan jab bachpan ki hudood se jawani mein qadam rakhta hai to is ke jismani aaza ki saakht aur nash-o-numa mein brhotri ke sath sath jinsi khwahisaat bhi bherne lagti hain. Agar in khwahisaat ko poora karne ke fitri tarikon muyassar na hon to insaan ghair fitri tareeqon se inhen poora karne ki koshish karta hai.

Is terha wo apne hi jinsi aaza se lazzat haasil karne ki koshish karta hai. Jisay Musht Zani ya Khud Lazati, Jalaq Baazi, aur Hand Practice aur Muth marna kehte hain.

Masht Zani yeni Masturbation ki aadat no-umar larkoon aur taalib ilmoon mein ziyada payi jati hai. Jinsi khwahisaat ki takmeel ke liye Mushat Zani sirf mard hazraat hi nahi karte balkay aurtain bhi is maamla mein kisi se peechay nahi hain. Aurton ke is feal ko fingering, chapti ya musahqa kehte hain.

Duniya ka koi malik, koi khitta ya jagah aisi nahi hai ke jahan is feal ke karne walay na paye jatay hon. Ye buri aadat zamana qadeem se hi chali aa rahi hai. Aur har ilaqay, khittay mein is buray feal ko mukhtalif naamon se puraka jata hai.
Musht Zani (Hand Practice) ki aadat bachpan se shuru ho kar baloghat ke sath sath parwan charhtay hue no jawan mein pukhtagi ikhtiyar kar jati hai. Ibtida mein bacha shoqia is lazzat mein girftar hota hai aur baad mein aahista aahista ye aadat itni pukhta ho jati hai ke insaan ko kisi qisam ka dar aur khauf nahi rehta.

Musht zani aur khud lazzati se chatkara pane ke liye humari nojawan nasal Doctor ya Hakeem ke pas jane ke bajay internet par kuch is tarah ki search kar rahi hoti hai, Musht zani kya hai, khud lazzati se bachne ka tarika kya hai, musht zani ke nuqsanat aur desi ilaj kaise mumkin hai, hadees about musht zani in Urdu and Hindi, Aurat ki musht zani aur khud lazzati ka tarika kya hai, Musht zani in Islam and Quran, muth marne ka ilaj and side effects in Urdu.

Musht zani yeni muth marne se hone wali kamzori ka ilaj kaise mumkin hai, Musht zani se nijat ke tarike kon kon se hain, khud lazzati se chutkara pane ka tarika, waghera waghera. Agar aap bhi internet par yehi kuch search kar rahe hain to ye tehreer aap he ke liye hai.

Mashat Zani aik aisa bura feal hai ke jab bhi insaan is se jaan chhuranay ki koshish karta hai to is ke andar aik ajeeb si kash makash shuru ho jati hai. Aik taraf nojawan koshish karte hain ke ye buri aadat khatam ho jaye to doosri taraf is ki kashish inhen ye aadat chorney nahi deti. Jab bhi is aadat se nijaat ki koshish ki jati hai to is feal mein mazeed raghbat mehsoos hoti hai.

Musht Zani ke nuqsanaat

Mushat Zani aur khud lazzati karne walay daur se hi pehchane jatay hain kyunkay un ke chehray ki khoubsurti, husn o ranayi gehna kar inhen hamesha ka mareez bana deti hai. Is se insaan ke andar hama waqt thakan, na umeedi, murjahat chamakti nazar aati hai. Aankhon ke gird siyah halqay par jatay hain. Pishaab taiz ar jala huwa aata hai.

Ye bura feal sahet ko is had tak kharab kar deta hai ke is feal ka irtikaab karne walay hazraat shadi ke naam se bhagtay hain, kyunkay kharabi sahet ki wajah se inhen pata hota hai ke wo azdowaji zindagi ke mamlaat ki injaam dahi mein nakaam rahen ge.

Kharabi sahet ki wajah se aisay afraad apna ilaj karwane ke liye jhutay doctoron aur hakeemon ke paas poanch jatay hain, jo inhen dil khol kar lottay hain. Is ke bawajood bhi na to un ka ilaj ho paata hai aur na hi un ki buri aadat khatam ho paati hai.

Musht Zani yeni muth marna se na sirf jismani sahet kharab hoti hai balkay is ke buray asraat naazuk aaza prbhi muratab hotay hain. Jis se na sirf uzoo khaas terha aur jarr se patla ho jata hai balkay qowat baah mein bhi kami ho jati hai.

Ye bhi parhiye : Quwat Baah kya hai, qowat baah mein izafay ke qudrati tarikay

Jab koi nojawan masht zani karta hai to uzoo khas ki bareek shareyanien ya to pichak jati hain ya phir koi shariyan phatt kar is ka khoon shariyan mein jim jata hai jis se shariyan mein khoon ki aamad o Riffat moattal ho jati hai.

Musht zani aur khud lazzati se uzoo ke pathon mein sukarnay aur phelnay ki salahiyat khatam ho jati hai jis se pathon mein tanao nahi aata. sharianon mein khoon ke na pounchanay, pathon mein tanao nah anay aur jald dheeli honay ke baais uzoo tanasul ka akraao, sakhti, tanao aur josh bilkul khatam ho jata hai.

Ziyada tar nojawan baath room mein masht zani karte hain aur phir foran hi apne uzoo ko pani se dho letay hain is terha garam uzoo par thanda pani lagnay se uzoo ke pathay nakara ho jatay hain. masht zani ya ighlaam baazi jaisay ganday feal ke baais nah sirf uzoo ka akrao khatam ho jata hai balkay is ka size bhi chota ho jata hai aur ye jarr se patla aur terha ho kar mard ke liye sharmindagi ka sabab bantaa hai

Is marz mein mubtala afraad har waqt pareshan rehtay hain, kisi kaam mein dil nahi lagta, dimagh aur qowat hafza bohat kamzor ho jata hai.

Is buray feal ke murtakib afraad zillat amaiz zindagi guzartay hue aik aisi had tak poanch jatay hain jahan inhen khud kashi ke siwa koi hal nahi hota.

Doctor Ali asghar chohadry likhate hain: “Masht Zani se khud itmadi aur qowat iraadi khatam ho jati hai.Dimagh aur benaye kamzor ho jati hai. zehni uljhanein barh jati hain. fard tanhai pasand ho kar zindagi ke hungamon se kinara kash ho jata hai.

Uzoo makhsoos ki ragein ubhar aati hain aur tehrra ho jata hai. Darmain mein se patla ho jata hai, aisay larke jawan ho kar umooman ikhlaqi mujrim ban jatay hain. mutalea karne ko jee nahi chahta, kuch yaad nahi rehta.

Be cheeni, Udasi, Afsurdagi, Mayoosi, Ghabrahat aur jhijak is par taari ho jati hai. khelon mein hissa lainay se qatrate hain, mashat zani se Jaryaan, Ahtelam, Saraat Inzaal aur Namardi tak ke amraaz peda ho satke hain. Maida kharab ho jata hai.

Bhook mar jati hai. Raat ko wehshat naak khawab atay hain. Chehra har waqt be ronaqe rehta hai. Gaal pichak jatay hain aur insaan zindah laash ban kar reh jata hai.” (Nojawanon ke masail aur un ka hal)

Quran o Hadees ki Roshni mein

  • Quran pak ki surah ul momeenon mein hai :
    aur woh jo apni sharamgahon ki hifazat karte hain. Siwaye apni biwion aur londion ke bay shak un par koi ilzaam nahi. Lekin jo is ke ilawa kuch aur chahain to aisay hi log had ( shara ) se bherne walay hain.
    In ayaat se aksar ulama ye istadlaal karte hain ke chunkay Musht zani yani apne haath se Musht Zani karna bhi biwi aur londi ke ilawa sharmga ka istemaal hai. Chunancha ye bhi zina ki terha haraam hai.
  • Quran pak ki surah noor mein hai : “aur jin ko nikah ki hesiyat na ho wo pak damni ko ikhtiyar kiye rahen yahan tak ke Khuda un ko apne fazl se ghanni kar day.”
  • Quran mein wazeh tor par har qisam ki fahaashi se daur rehne ki hadaayat ki gayi hai. ” aur be hiyai ki baton ke paas bhi na phatakna ( khuwa ) wo alania hon ya posheeda “. Surah al-inaam
  • ibrahim alqmh kehte hain ke mein abdullah ban masood ke sath chal raha tha, to unhon ny kaha ke hum nabi (saw) ke sath they, aap ny farmaya ke jo shakhs mohar ada karne ki salahiyat rakhta ho to wo nikah karle is liye ke wo nigah ko neechi karta hai aur sharmga ko zina se mehfooz rakhta hai aur jis ko is ki taaqat na ho to wo rozay rakhay is liye ke roza is ko khassi bana deta hai.
  • Sahal Razi Allah Taala anho ban saad Rasool Allah (SAW) se rivayet karte hain ke aap ny farmaya jo shakhs apne dono jabron ke darmain ki cheez ( zabaan ) aur dono tangon ke darmain ki cheez ( yani sharmga ) ka zamin ho to is ke liye jannat ka zamin hon.
  • Imam husn ban urfa ny apne mashhoor juz mein aik hadees warid ki hai ke rasool Allah (saw) farmatay hain saat qisam ke log hain jin ki taraf Allah taala nazar rehmat se na dekhe ga aur na inhen pak kere ga aur na inhen aalmon ke sath jama kere ga aur inhen sab se pehlay jahannum mein jaaney walon ke sath jahannum mein daakhil kere ga ye aur baat hai ke wo tauba karlen tauba karne walon par Allah taala meharbani se rujoo farmata hai aik to haath se nikah karne wala yani Musht Zani karne wala aur ighlaam baazi karne aur karanay wala. Aur nashay baz sharaab ka aadi aur apne maa baap ko maarny peetnay wala yahan tak ke wo cheekh pukaar karne lagen aur apne parosion ko eeza pohanchanay wala yahan tak ke wo is par laanat bhejnay lagey aur apni padosan se badkaari karne wala.

Musht Zani ki wajohaat aur ilaj

Musht Zani aur khud lazzati ke buray feal mein mubtala farad ka ilaj karne ke liye zurori hai ke sab se pehlay ye maloom kya jaye ke bandah is buray feal mein kyun mubtala hawa hai.

Musht Zani mein mubtala honay ke asbaab aur wajohaat jan-nay ke baad is ka ilaj kya jata hai. Musht Zani mein mubtala honay ke asbaab, wajohaat aur ilaj ke mandarja zail tarike hain.

1. Ziyada umar tak ghair shadi shuda rehna

Musht Zani ke feal mein mubtala honay ka sab se bara sabab shadi mein takheer hai. Kyunkay aik bacha baara se chodan saal ki umar mein baaligh ho jata hai. Aur pandrah se solah saal ki umar mein hi shadi ke qabil hojata hai. Aisay mein shadi mein takheer ussay iss buray feal mein mubtala kar deti hai.

Muth marne se bachney ka behtareen tarika ilaj shadi hai. Is salsale main aap humari tehreer Shadi Karne Ke Fawide aur Choti Umer main shadi karne ke hairat angeer fawide parh sakte hain, Agar shadi ki istetat na ho to hadees ke mutabiq rozay rakh kar shehwat par qaboo paaya ja sakta hai.

2. Buray doston ki sohbat

Aik bacha jab jawan hota hai to is ke harmonz mein tabdeeli aati hai aur wo is tabdeeli ko samajhney ke qabil nahi hota. Is liye wo is hejaan ki noiyat ko samajhney ke liye apne doston se rujoo karta hai. Ab agar is ke dost ahbaab Musht Zani jaisay buray af-aal mein mubtala hain to wo usay bhi un mamlaat mein mulawis kar lete hain.

Aisay halaat mein bachon ko is buray feal se daur rakhnay ke liye zurori hai ke maa baap bachay ki baloghat ke waqt un par kari nazar rakhen avrih dekhen ke bachay ke dost ahbaab kaisay hain. Aur un ke mamlaat kis qisam ke hain. Agar zarra se bhi shuba ho to bachon ko aisay doston ki sohbat se bachayen.

Taham agar jawan mein koi shakhs is buray feal mein mubtala ho jaye to usay chahiye ke wo aisay doston ki buri sohbat se bachay, aur aisay doston se qata talluq karle. Aur iss ke badlay aisay naik aur saleh fitrat logon ko dost banaye jin mein ye aib na hon.

3. Fehash moud ki farahmi

Musht Zani mein mubtala honay ki aik aur ahem wajah jinsi be raah rawi ko farogh dainay walay media tak aasaan rasai hai. Aaj taqreeban har ghar mein tv, kibl aur internet ba aasani dastyab hai. Is media par bohat aasani se uryaan filme, fehash tasaveer aur deegar ikhlaq bakhta mawaad mil jata hai.

Aaj ke daur mein jab aik nojawan apne ird gird nazrain dorata hai to wo khud ko charon taraf is jinsi yalghaar mein ghira paata hai. Doosri janib is ke androoni takazay bhi ussay guna ki janib aksate hain. Yeh sab soorat e haal usay Musht Zani ki janib raghib karta hai, jis se wo is buri laanat mein phnsta chala jata hai.

Musht Zani se bachao ka behtareen tarika ilaj yeh hai ke tally vision, internet aur kiblz ko kam se kam waqt diya jaye. Neez tanhai mein tv ya computer istemaal karne se guraiz kya jaye. Mazeed yeh ke tv aur computer ko kisi aisi jagah par rakha jaye jahan logon ka guzar ho. Is ke ilawa social media ka istemaal bhi soch samajh kar kya jaye.

4. Jinsi taleem ka fuqdaan

Hamaray muashray mein jab aik bacha ya bachi jawan hotay hain to un ki jinsi taleem ka koi intza meem mojood nahi hota. Na to taleemi idaron mein is mauzo par koi tarbiyat faraham hoti hai aur na hi maa baap apni riwayati hichkichahat ki bana par is qabil hotay hain ke bachay ki behtar tor par rahnmayi kar saken.

Aisay mein aik nojawan ke paas is ke siwa koi charah nahi hota ke wo apne hi hum umar aur naa-pukhta doston se rujoo kere ya jinsi mozuaat par mojood naaqis kitabon ka mutalea krye ya phir internet aur filmon jaisay azad aur bad chalan media ko apna ustaad bnale. Aisay mein aik mutajasus nojawan bohat aasani se Musht Zani ki janib raghib hojatahe.

Internet par jinsi taleem ke naam par jo mawad mojood hai wo bil umoom maghribi fikar ke haamil afraad ney tayyar kya hai. Is ka beshtar hissa ghair mayaari hai aur is ka maqsad azadana jinsi ikhtilaat ko farogh dena hai. Neez yeh English zabaan aur ghair mulki culture ki wajah se hamari abadi ke aik barray hissay ke liye be car hai. Urdu mein jins ke mauzo par mayaari mawaad na honay ke barabar hai.

Jinsi taleem ke zimn mein riyasat ko iqdaam karne ki zaroorat hai. Riyasat apni nigrani mein mahireen ki madad se aisa litreture tayyar kere jo aik pakeeza usloob mein inn nojawanon ki durust rahnmayi kere. Is ke ilawa aisay idaray registered kiye jayen jahan jinsi masail ka aspishlayzd andaaz mein hal paish kya jaye. Is ke sath sath ahal ilm hazraat, nafsiat daan aur Doctor zay ko chahiye ke wo apni infiradi o ijtimai koshisho ke zariye mayaari litreture tayyar karen.

Hamaray haan ahal ilm hazraat aam tor par jins ke mauzo par nahi likhate kyunkay aisay musanifeen ko muashray mein tanqeed ki nigah se dekha jata hai. Lekin hamein yeh baat yaad rakhni chahiye ke nojawanon ki tarbiyat hamari ikhlaqi zimma daari hai aur is zimma daari ko poora karne ke douran agar hamein malamat bhi bardasht karni parre to koi harj nahi.

5. Romantic mahol

Hamaray muashray mein jab aik bacha nojawani mein qadam rakhta hai to usay apne ird gird har taraf ishhq o mohabbat se labraiz mahol milta hai. Har daramay, film ya novel mein ishhq o mohabbat ki dastaneen chal rahi hoti hain. Chunancha wo is khayaali duniya ko haqeeqi samajh kar khud bhi qismat aazmai karta hai. Is mein agar wo kamyaab ho jaye to sanaf mukhalif se is ka ikhtilaat barh jata hai jo usay Musht Zani ki janib le ja sakta hai.

Aur agar wo nakaam ho jaye to bhi Musht Zani ke ilawa is ke paas koi charah nahi hota, is liye zurori hai ke nojawan un navlon aur filmon se khud ko daur rakhtay hue haqeeqat pasandi par mabni litreture parhay ya dekhe. Misaal ke tor seerat nabwi ya sahaba ka mutalea, shujaiat aur ikhlaqi achhayyon par mabni daramay waghera.

6. Faraghat o tanhai

Aaj ke daur mein jab nojawan parhai se farigh hotay hain to inhen rozgaar ka mauqa nahi milta, jis ki wajah se nojawanon ke paas farigh auqaat ziyada hotay hain aur iss faraghat mein tanhai bhi muyassar aajay to zehen par jinsi khayalat cha jane ka quwwat andesha hota hai. Aur yahi khayalat insaan ko buray falon (kaamon) ki janib raghib karne mein ahem kirdaar ada karte hain.

Is mein zaroorat is amar ki hai ke nojawan khud ko masroof rakhen, werzish karen, khail kood mein hissa len aur misbet sar garmion mein khud ko mulawis karen. Achi aur dainee web sayits ka mutalea karen aur un se rahnmayi haasil karen.

7. Makhloot taleemi nizaam

Makhloot taleemi nizaam ki bana par larke aur larki ko aik dosray ke qareeb rehne ka mauqa milta hai. Is ikhtilaat ki bana par nigehain be qaboo hoten aur khayalat barangekhta hotay rehtay hain. Jo is buray feal ki wajah bantay hain. Ziyada tar hostel aur boarding schoolon ke bachay is qisam ke feal mein mubtala hotay hain.

Islam mein wazeh hadaayat hai ke nigahon ko neechi rakho yani kisi ko shehwat ki nigah se na dekho. Chunancha pehlay to isi hadaayat par amal kya jaye dosra yeh ke classe lainay ke ilawa kisi aur maqam par sanaf mukhalif se be takalufi na barti jaye balkay apne hum jnson hi se dosti aur rawabit rakhay jayen.

Musht Zani kya hai Musht Zani ki wajohaat, nuqsanaat aur ilaj se mutaliqa agar koi cheez aap ki samajh mein nahi aayi hai ya aap is tehreer ke hawala se mazeed maloomat haasil karna chahtay hain to aap hamein comments kar satke hain. Aap ke har sawal, har comments ka jawab diya jaye ga.

Zarori Note : Ye tehreer mehez maloomat aama ke liye shaya ki ja rahi hai. Un tarkibon, tarikon aur totkon par amal karne se pehlay apne Mualij (Tabeb, Doctor) se mahswara zaroor karen. Aur douran amal apne Mualij se rabita mein rahen.