Rang Gora karne ka tarika in Urdu Hindi
Ladies Corner

Rang Gora karne ka tarika in Urdu

Har Aurat ki fitarti khawahish hoti hai ke wo husn aur khoubsurti mein horron ko peechay chor day. Is ki Ankhen, Baal, Niswani husn aur Addain aisi hon ke jo aik baar dekhe, bas daikhta hi rahay, aur log paryoon aur shehzadyon ke bajaye us ki misaal den. Shahid yahi wajah hai ke aaj ke zamane mein khoubsurti ka miyar sirf Gora-pan reh gaya hai.

Gora rang khoubsurti ko chaar chaand laga deta hai. Yahi wajah hai ke gora rang har kisi ko pasand hai. Hamari nojawan nasal rang gora karne aur smart nazar anay ke liye har jatan karti hai. Tarha tarha ki Creams ko aazmaaya jata hai.

Bazari creams ke istemaal se aap ki jald par safedi to aa jati hai lekin haqeeqi gora pan nahi aata. Aur baaz auqaat in creams ke muzar israt jild ka huliya hi bigaar dete hain.
Mojooda daur ki parhi likhi khawateen khoubsurti ke liye beauty parlors ka rukh karti hain, in ke khayaal mein waqat bachanay aur ziyada khobsorat nazar anay ka ye behtareen hal hai, kabhi kabhar beauty parlor se tayari ya kisi kareem ka istemaal shayad aap ki jald ko nuqsaan na pohnchaye magar masnoi cheezon ke musalsal istemaal se aap ki jald kharab ho kar daagh dhabbon ka markaz ban sakti hai.

Puranay waqton ki khawateen gharelo nuskhay aazma kar apni jald ko khobsorat banati theen. Un ke chehray ki chamak aur qudrati surkhi mael rangat dekhnay ke qabil hoti thi. Taham aaj ki khawateen uljan ka shikaar hain ke kya istemaal karen aur kya na karen.

Rang gora karne ke hawalay se ziyada tar khawateen internet par kuch is tarah se search kar rahi hoti hain. Rang aur chehra gora karne ka behtareen tarika aur nuskha kya hai.

Gore hone ke tarike upay nuskhe kon kon se hain, Rang gora karne karne ke qudrati tarikay aur totkay kon kon se hain. Aik din mein rang gora karne ki tips kya hain. Waghera waghera

Agar aap bhi rang gora karne ke hawalay se internet par yahi kuch search kar rahi hain to yeh tehreer aap hi ke liye hai. Aaj ki post mein hum aap ko 50 se zayed aisay aasaan aur azmooda gharelo totkay bitayen ge ke jin par amal kar ke aap apne aap ko gora bana sakti hain.

Aisa gora pan ke jo qudrati aur haqeeqi ho ga aur is ke muzir asraat bhi nahi hon ge.

Yahan par rang gora karne ke gharelo totkon ki aik mukammal fehrist di ja rahi hai. Ab ye aap par munhasir hai ke kon sa tarika ya totka aap aazmati hain, taham yaad rakhnay ki cheez yeh hai ke aap koi bhi tarika aazmayin is ka result anay mein kuch der lagti hai. Aisa nahi hai ke aap koi tarika aazmayin gi aur dosray din aap chti gori ho jayen gi.

Sab se pehlay apne khayalat, apna jisam, ghar aur libaas sab kuch saaf rakhen. Aur sabr ke sath mustaqil mizaji se rang gora karne walay totkay aazmayen. Allah pak aap ko hurron ka sa husn day ga. Insha Allah

Rang gora karne ke liye doodh ka istemaal :

Doodh mein calcium ki waafar miqdaar hoti hai. Jo ke jald ki rangat nikharne mein madad deti hai. Calcium hamaray jism ka bohat ahem jazo hai. Jism ke oopri jald mein calcium ki kaafi miqdaar payi jati hai jis ki kami jald ko siyah karne mein ahem kirdaar ada karti hai.

Ye bhi parhiye: Honton ko Norm o Malaim Khubsurat aur Gulabi bananay ka tarika

Doodh jism mein calcium ki kami ko daur karne ke sath sath khushki bhi daur karta hai.. Doodh ke rozana istemaal se jald andar se saaf ho jati hai. Husn o khoubsurti ke liye doodh ko mandarja zail tareeqon se istemaal kya ja sakta hai.

  1. Chuney ki daal ko doodh mein bigho den, sath mein khashkhaash bhi len kuch ghantay ke baad un ko pees len aur sokhey badam ka powder le ker is mein mix karen ab is mein thori thori dahi le ker aattay ki terha gond len aur choti choti golian banalen ab roz aik goli le ker kachay doodh mein bhago dain. Aik ghanta para rehne den aur phir chehra, gardan par massage karen aur apni rangat ko apni aankhon se badalta hua dekhen.
  2. Aik chamach khushk doodh, lemon ka juice, badam ka oil le ker mila len aur chehra par lagayen. Pandrah minute tak laga rehne den phir mun pani saaf kar len.
  3. Aik glass doodh le ker aik kapra is mein bigho kar jald ragrain. Khushk honay par dobarah ye amal dohrayen. Aik hafta tak ghusal ke baad ye amal dohranay se jald ki rang mein wazeh farq mehsoos karen ge.
  4. Aam ke normal thanday malik shake mein aadha chamach bareek kati hui adrak aur cheeni ki jagah par do adad host ki tafyan daal kar aik mah tak rozana subah khaali pait ye malik shake pi liya karen. Is se aap ki rangat mein bohat behtari aaye gi. Ye totka na sirf khoon ki kami ko daur krea ga balkay ye aap ki harmons ki problam ko bhi hal kar day ga. Karne mein madadgaar saabit hoga balkay aapko sehat mand aur gora bhi kere ga.
  5. Do chamash besan, aik chamach glycerine, aadha chamach chandan pissa huwa, haldi aadha chamach, arq ghulaab aik chamach, doodh adha chamach, aur lemoo ka ras chand qatray mila len. Is ubtan ko chehray par milein. Is se apke husn mein izafah hoga.
  6. Kalay tall aur haldi chothai, chothai chamach, le kar garam doodh ke sath pees len aur chehray par lagayen is se chaiyan daur ho jati hain.
  7. Badam, haldi, doodh aur lemoo istemaal karen. Badam pees kar is mein haldi aur doodh mila kar paste banalen aur chand qatray lemoo ke daal len ye mask bohat mufeed hai.
  8. Matti ki aik kori piyali mein aik chamcha balai aur do, teen badam achi terha dhokr saaf karne ke baad is se chehray ki halki phulki maalish karen phir roi ko aahista aahista chehray par phairen aur phir baqi marham laga kar sojayin, subah uth kar besan se mun dho len ya phir bakri ka kacha doodh le kar is mein aadha lemoo nichor len, doodh phatt jaye ga, is phatay hue doodh ko sotay waqt achi terha chehray par mil len, ye chehray ki jhuriyan daur karne ka shartiya tarika hai.
  9. Do chamach daliya, do chamach sookha doodh, do chamach aam ka goda aur carry ke andar ki ghuthli le kar un sab ko achi terha pees len jab kareem si ban jaye gi (zaroorat parre to pani bhi mila sakte hain) to apne poooray jism par massage karen ye na sirf aap ke jism ko gora kere gi balkay jin aurton ko badbudar paseena aata hai un ki badboo bhi kuch arsay istemaal ke baad khatam ho jaye gi aur aap ka poora jism gora ho jaye ga, ye fori whiting haasil karne ka qudrati tarika aur totka hai.
  10. Gulqand ko roz doodh mein daal kar pi len ye andar se safai day ga aur chehra chamakdar hoga. Teen gram amla ka marabba, aik chamach sonf aur aik chamach shehad daal kar mix kar lena aur rozana khalen ye aap ki poori body ki qudrati gorapun day ga agar khoon ki kami hoto is mein foran aik khoon afza ( ya koi bhi khoon bananay wali golian ) aik goli pees kar mix kar kay khalen. Is se khoon bhi banay ga aur chehra surkh saped ho jaye ga.
  11. Jaiphal pees kar doodh mein mila kar laganay se chehra nikhar jata hai.
  12. Doodh se chehray par masaaj karen aur adhay ghantay baad saaf pani se dho len is se apkee khoubsurti mein izafah hoga.
  13. Masoor ki daal ka powder bana len aur lemon ka ras daal kar paste bana kar lagayen, chaiyan saaf hon gi. Chikni jald ke liye makayi aur jo ka aata doodh mein mix kar kay lagayen aur halka sa massage karen, chehra chamak utthay ga. Raat ko thoray se pani mein ispaghol rakh den, subah achi terha phaint kar is ka luaab nikalen aur dano par lagayen. Danay khatam ho jaien ge. Chaawlon ko pees len phir is mein haldi aur tarbooz ka pani mila kar lagayen is se daano ke baad jo kalay kalay nishaan reh jatay hain wo khatam ho jaien ge.
  14. Multani matti, haldi aur teen qatray zaitoon ka tail skin taank ke chand qatray mila kar pandrah minute tak chehray par laga rehne den ya badam pees kar doodh mein mila kar chehray par lagayen, bees minute baad chehra dho len.

Rang gora karne ke liye lemon ka istemaal

Lemon mein mojooda qudrati khususiyaat jald mein tail ki kami daur karne ke sath sath jald ki rangat khobsorat bananay mein ahem kirdaar ada karta hai. Lemoo ka ras kayi bleach creams mein bhi istemaal kya ja raha hai. Isi wajah se lemoo ko qudrati whiting bleach bhi kaha jata hai. Ye jism ko fazil madon se pak karta hai jis se khoon saaf aur jald chamakdar ho jati hai.

Chehray par chemical wali whiting bleach se behtar hai ke aap rozana subah aik glass lemoo pani piyen. Is ke mustaqil istemaal se is mein mojood vitamin C aur acidic khususiyaat aap ka rang gora kar dein gi. Rang gora karne ke liye lemoo ka istemaal aap mandarja zail tarike se kar sakti hain.

  1. Lemon ka ras le ker roi ki madad se chehray par mojooda siyah hisson par lagayen aur 20 se 30 minute ke baad saada pani se dho len. Is ke ilawa lemoo ko do hisson mein kaat kar aahista aahista chehray par lagayen. 15 se 20 tak chehray par laga rehne den aur baad azan dho len
  2. Paanch badam len aur un ko pees len. Ab un paase hue badamon mein aik aadhi chaye ki chamach haldi, teen chaye ke chamach dahi, do chaye ke chamach lemoo ka ras mila kar yak jaan kar len ke ye aik kareem ki shakal ban jaye. Ab raat ko sonay se qabal chehray ko achi terha dho kar 15 se 20 minute tak kareem ko chehray par laga rehne den. ( saari raat bhi lagi rahay to bhi koi nuqsaan nahi ) ab chehray ko pani se dho len, sabun ka istemaal har geez na karen. Din mein bhi is ka istemaal na karen. Agar chehray par jalan mehsoos ho to lemoo ki miqdaar ko kam kar dein.
  3. Lemoo ka ras, shehad aur zaitoon ke tail mein mila kar 15 se 20 minute ke liye chehray par massage karen. Baad azan saada pani se dho len. Is mein aik ahthyat ye barten ke lemoo ka ras laganay ke baad dhoop mein hargiz na nikleen aur jald par mojooda zakhamo par hargiz na lagayen.
  4. Lemoo ka ras aur shehad barabar miqdaar mein le ker mix karlen aur is ko apne chehray par apply karen. Is se bhi rang gora honay mein madad miley gi.
  5. Aik anda len, aik lemoo mein anda toar kar is ki safedi achi terha phaint len. Is mein lemoo nichor kar achi terha mix karen aur chehray par laga len. Pandrah minute tak lagayen, baat cheet bilkul na karen. Phir dho len. Ye mask khushk jald ke liye hai.
  6. Maaltay ka chilka pees len, dahi, lemoo ka ras, thori haldi aur sandal powder mix kar kay lagayen. Chaiyan khatam ho jaen gi.
  7. Dahi mein lemoo aur glycerine daal kar nahanay se pehlay poori body ka massage karen. Is se jism ki khushki khatam hoti hai. Name ke pattay ubaal len aur lemoo ka ras daal kar roz roi se mun saaf karen. Danay khatam ho jaien ge Insha Allah.
  8. Agar aap ki jald chikni hai to phir aap kheeray ka ras len aur is mein lemoo ka ras mila kar chehray par laip karen.
  9. Pakay hue papeetay ko masal kar is mein dahi aur lemoo ka ras milaain aur 20 se 30 minute ke liye chehray par lagayen. Is se aap ke chehray ki rangat nikhar jaye gi.
  10. Balai mein chand qatray lemoo ka ras mila kar laganay se jald chikni aur mulaem hoti hai.
  11. Chikni jald ko is mahinay mein tar-o-tazgi o hamoriyat bakhsnay ke liye aik mask ka istemaal behtar rehta hai. Aik anday ki safedi mein aik chaye ka chamach lemoo ka ras mila kar jald par lagayen aur aik ghantay baad chehra dho kar saaf karlen.
  12. Aadha cup jo ke aattay mein aik chamach balai aur aadha lemoo nichor kar thora sa pani mila kar paste banalen usay chehray, gardan par mil kar pandrah minute baad dho len rozana karen, chehra khobsorat lagey ga.
  13. Aik chamach dahi mein chand qatray lemoo ka ras mila kar raat ke waqt kareem ke tor par istemaal karen.
  14. Makayi aur jo ka aatta hum wazan le kar is mein adhay lemoo ka ras mila kar lyi si banalen aur is lyi ko gardan aur chehray par milein, adhay ghantay ke baad neem garam pani se usay saaf karlen. Ye amal haftay mein do martaba karen jab dhoop mein niklny se rangat siyah ho jaye to dhabbay par jayen to angoor ko toar kar chehray par milein thori der baad jald khushk ho jane par pani se dho len.
  15. Tulsi ke pattay aur lemoo ka ras barabar miqdaar mein mila kar laganay se jhaiyan, chaiyan, mahasay aur siyah dhabbay theek ho jatay hain.
  16. Do se teen strawberry ko masal kar is mein chand qatray shehad aur lemon ka ras milaain. Is amezay ko 15 se 20 minute tak chehray par lagaye rakhnay ke baad dho len.
  17. Timatar, mooli, kheer aya kakri ka ras aur ghulaab ka pani, aadha aadha chamach avrchnd qatray lemoo ka ras mila kar is mein aik aik chaye ka chamash makhan aur haldi mila kar chehray par lagayen aur jab khushk ho jaye to neem garam pani se dho len uskay baad thori si glycerine aur aur arq ghulaab chehray par laga len jald chikni, mulaem, saaf aur chamakdar ho jaye gi.
  18. Jai ubaal kar masal len aur is mein aik chamach lemoo ka ras mila kar paste banayen, usay jald par lagayen aur khushk honay par dho len.

Aur agar aap in mein se koi bhi tarkeeb istemaal na kar payen to bas itna karen ke lemoo ko kaat kar is ke adhay hissay ko jald par dairon ki soorat mein ahista aahista phertey rahen. Ye barray barray nuskhon se ziyada mufeed hai.

Rang gora karne ke dahi ka istemaal

Dahi ke istemaal ki sab se barri wajah ye hai ke iss mein lactic acid paaya jata hai jo rangat ko gora karne ke liye behtareen samjha jata hai. lactic acid qudrati tor par jald ko tawanai faraham karta hai.

Jo ke jism ke murda khalion ke chhrhne ke raftaar ko control karta hai. lactic acid ki kami jald ke murdy khalion ko hataane ki raftaar sust kardeti hai. lactic acid ki kami poori karne ke liye dehi ka istemaal nihayat mufeed hai.

  1. Do badaam thori si pattian ghulaab ki chahay taaza hon ya sookhi hui, do sabz alaichi chuttki bhar haldi un sab ko achi terha pees len aur do chamach dahi ke mila len. Jin logon ki jald khushk ho wo is mein roghan badam ya zaitoon ka tail bhi do qatray daal kar laga sakti hain. Ye mask bohat rang gora karta hai bas khayaal rakhen ke ziyada sokhne na paye aur har qudrati mask pani se dhoya karen sabun hargiz istemaal na karen.
  2. Agar dahi mein aik chamach shehad mila kar bhi mun par istemaal kya jaye to bhi aap ki rangat kaafi saaf suthree aur gori ho jati hai. Dahi aur shehad ke mixture ko ahistagi se chehray aur gardan ki jald par lagayen aur adhay ghantay baad thanday pani se mun dho len.
  3. Aik pyalaa dahi le ker chand minute le ker jald par is ka laip karen aur phir taaza pani se dho len. Ya phir dehi, lemoo ka ras aur daliya mila kar mask banayen aur 15 se 20 minute ke liye chehray par laga kar baad mein dho len. Ya phir dehi aik chamach, shehad 2 chamach le ker is ka mask 10 se 15 minute ke liye chehray par laga kar dho len.
  4. Subah mun dhoney se bhi pehlay aap dahi ko ahistagi se apne chehray par lagayen aur aaraam aaraam se chehray ki jald par se masalti jayen. Jab achi terha dahi aap ke chehray aur gardan par lag jaye to thori der laga rehne den taa ke lactic acid achi terha apna kaam kar sakay. Das se pandrah minute ke baad mun ko thanday pani se dho len aur ahistagi se khushk kar len. Iss tarike aur nuskhe ko rozana taqreeban aik se do mah dohranay se aap dekhen ge ke aap ke chehray aur gardan ki rangat mein goray pan ka izafah ho chuka ho ga.
  5. Dahi phaint kar poooray chehray pal laga len sookh jane ke baad halkay haath se mil kar saaf karlen aur thanday pani se dho len.
  6. Aik bara chamach maltani matti, teen barray chamach dahi, aik chamach shehad mila kar chehray par lagayen ye jald ki androoni safai karta hai band massam kholta hai aur jald ki androoni gandagi daur kar kay usay saaf suthra banata hai.

Rang gora karne ke liye Besan ka istemaal

Besan ke andar bohat se aisay ajzaa hotay hain jo chehray ki jald ko gora bananay mein bohat madad karte hain. Besan pakaroon ke liye to lazim malzoom hai hi, par rang gora karne ke liye bhi besan ka istemaal mufeed samjha jata hai.

  1. Aik barri chamach besan len is mein thora sa lemon ka ras milaain aur aik choti chuttki haldi milaain un ko achi terha mix kar ke paste banalen aur chehray par laga len. Jab khushk ho jaye to chehray ko thanday pani se dho len. Pehlay hi din aa pay ko farq nzraaye ga behtar nataij ke liye hafta mein teen din istemaal karen.
  2. Besan ko thoray se arq ghulaab mein mila kar gaarha sa paste bana len aur isay chehray aur gardan ki jald par lagayen aur thori der ke liye chor den. Jab sara paste khushk ho jaye to chehray ko achi terha thanday pani se dho len aur naram kapray se khushk kar len.

Rang goray karne ke deegar gharelo totkay.

Rang gora karne ke liye jahan mukhtalif tarike aur totkay aazamay jatay hain wahan zaroori hai ke kuch ahtiyatain bhi ki jayen. Aur kuch cheezon ko baqaidagi se istemaal kya jaye. Jaisay agar aap ka khawab hai ke aap ka rang gora ho to is ke liye zaroori hai ke aap dhoop mein kam se kam nikleen, rozana taqreeban aath se das glass pani piyen.

Apni khoraak mein phalon aur sabziyon ki miqdar barhayain. Rozana werzish ko mamool banayen. Aur har roz raat ko sotay waqt apne chehray aur gardan ko achi terha dhowen. Chamakdar aur sehat mand jild ke liye vitamin c bohat zaroori hai. Agar aap gora hona chahti hain to aisi ghazain khayen jin mein vitamin c kaseer tadaad mein mojood ho jaisay ke kiwi, naranji, chhere, strawberry, timatar aur mosammi waghera.

Rang gora karne ke liye gharelo totkon ki aik mukammal fehrist di ja rahi hai. Ab ye aap par munhasir hai ke kon sa tarika ya totka aap aazmati hain, taham yaad rakhnay ki cheez ye hai ke aap koi bhi tarika aazmayen is ka result anay mein kuch der lagti hai. Aisa nahi hai ke aap koi tarika aazmayen gi aur dosray din aap chti gori ho jayen gi.

  1. Taaza gaynday ke phool ki pattian le ker do glass ubaltay hue pani mein daal kar achi terha pakayen, paanch minute ke baad pani chhaan len aur sheeshay ki bottle mein daal kar rakh len, raat ko roi le ker pani se achi terha mun saaf karlen aur pani mun par laga rehne den, chand dinon mein chehra saaf ho jaye ga. Ye qudrati klinrz ka kaam deta hai.
  2. Shehad mein balai mila kar raat ko sotay waqt lagayen kuch der baad halka massage kar kay utaar len. Is se na sirf rangat achi hogi balkay daano aur daagh dhabbon mein bhi farq par jaye ga.
  3. Soya bain aik aisi qudrati ghiza hai jis se jald se barhti umar ke asraat kam hona shuru ho jatay hain aur is mein mojood ausuu jald ko sehat mand banata hai. Soya bain mein payi jane wali anti oxidant khususiyaat rang gora karti hain.
  4. Jo ka aatta, sookha doodh aur safaid shukar doodh mein mix kar kay poooray jism ka massage karen ye behtareen body scrape hoga jo qudrati chamak aur gora pan day ga.
  5. Aik chhota timatar le ker is ka goda jald par lagayen aur phir khushk honay ke liye pandrah se bees minute ke liye chor den. Aakhir mein pani se dho len. Ya phir timatar ka juice ka aik chamach lemoo ke ras ke chand qatroun mein shaamil kar ke pandrah se bees minute ke liye chehray par lagayen. Ye totka jald ko tawanai faraham karne ke ilawa jald ki rangat nkharne mein bhi moassar hai.
  6. Aam ke malik shake mein kuch tukre adrak aur podina ki dali istemaal karen. Ye andar se aap ko qudrati chamak day ga aur jin logon ko aam hazem nahi hota un ko bhi faida day ga. Neez aam aur jaman ki ghuthli ka maghaz nikaal kar pani mein pees kar chehray par laip karen, chaiyan khatam ho jaien gi.
  7. Aik chamach zerey ko pani mein ubaal len aur thanda honay par is ke sath chehray ko achi terha dhowen.
  8. Kela vitamin A, B aur E se bharpoor hota hai. Ye sab hi ghizai ajza jald ki rangat gora karne ke liye ahem hain. Ab ye aap ke oopar hai ke ya to kelay ka mask bana kar chehray par laga len ya usay apni roznh ki ghiza ka hissa bana len.
  9. Chakandar mein potasium, iron, phosphorus, fiber aur kayi aqsam ke vitamins mojood hotay hain jo usay ifadiyat se bharpoor bana dete hain. Vitamin A, B aur C se jald gori aur saaf ho jati hai. Is ke istemaal se jald ke massam qudrati tor par gard o guhbaar se saaf ho jatay hain aur rang gora lagnay lagta hai.
  10. Name ke taaza pattay pees kar raat mein chehray par laga len aur jab sookh jayen to thanday pani se dho len lagataar pachaas din karne se chehray ke daagh dhabbay daur ho jaien ge.
  11. Kisi bartan mein aalo ka ras nikaal len aur is ko apne chehray par aisay lagayen jaisay aap bleach lagati hain. Pandrah minute se aadha ghanta tak laga rehne den phir mun dho len. Ye taqreeban rozana aisay hi amal karna hai. Chand dinon mein rang safaid hona shuru ho jaye ga.
  12. Aik daigchi mein pani li kar ubaal len ab is se chehra par bhaap len yaad rakhen pani ziyada garam na ho. Is se aap ki jald ke tamam massam saaf ho jatay hain.
  13. Chawal ka powder jald ki rangat behtar karta hai. Aur ye aik qudrati tor par jald ko sooraj ki kirnoon se bachanay mein madad deta hai. Chawal powder ke aik cup mein paste bananay ke liye doodh aur garam pani milaain. Paste ban’nay ke baad chehray par lagayen aur aadha ghanta tak laga rehne den is ke baad garam pani se dho len. Ye amal do se teen baar aik haftay mein dohrayen.
  14. Kachay nariyal ka pani bhi rang gora karne ke liye bohat mufeed hai usay jald par taqreeban 15 minute ke liye lagayen, ye daagh dhabbay bhi khatam karta hai.
  15. Gaajar ka pani nikaal len aur fridge mein rakh den. Jab thanda ho jaye to roi ki madad se chehray par lagayen. Ye amal din mein teen martaba karen. Ye rang gora karne ka behtareen tarika hai. Rozana gaajar khayen ya phir gaajar ka juice nikaal kar piyen. Ye bhi rang gora karne mein aap ki madad karta hai.
  16. Kheeray ke qatlay le ker arq ghulaab mein bigho den aadha ghanta ke baad un ka massage karen. Danay, chaiyan sab saaf ho jayin ge.
  17. Machhli mein omega three acid mojood hota hai jo ke jald ke liye taank ka kaam karta hai. Machhli vitamins se bharpoor hoti hai. Isi liye usay rang gora karne ke liye behtareen ghiza tasawwur kya jata hai. Machhli back kar ke haftay mein aik baar zaroor istemaal karen. Machhli ko fry karne se is ke vitamins zaya ho jatay hain isi liye machhli ko back karna behtar hai.
  18. Podeenay ki pattian pani mein daal kar ubaal len aur un ko nehar mun pi len. Ye bhi rangat behtar karne mein aap ki madad karta hai.

Zaroori Note : Rang gora karne se mutaliqa ye tehreer mehez maloomat aama ke liye shaya ki ja rahi hai. Taham In tarkibon tareeqon aur totkon par amal karne se pehlay apne mualij (Tabeeb, Doctor) se mahswara zaroor karen. Aur douran amal apne mualij se rabita mein rahen.

Rang gora karne se mutaliqa agar koi cheez aap ki samajh mein nahi aayi hai ya aap is tehreer ke hawala se mazeed maloomat haasil karna chahti hain to aap hamein comments kar sakti hain.

Aap ke har sawal, har comments ka jawab diya jaye ga. Taham agar aap ko ye tehreer achi lagi hai to aap usay social media par bhi share kar sakti hain. Taakay aap ki shlyon waghera ki bhi behtar tor par rahnumaiye ho sakay.